ل زاخۆ پێشانگه‌هه‌كا شێوه‌كارى لسه‌ر ئاستێ ئیراقێ دێ هێته‌ ڤه‌كرن

ڕێڤه‌به‌ریا ڕه‌وشه‌نبیرى و هونه‌رى ل قه‌زا زاخۆ ب هه‌ڤكارى دگه‌ل ده‌زگه‌هێ (هه‌واجس) یێ ڕه‌وشه‌نبیرى و هونه‌رى ل به‌غدا دێ پێشانگه‌هه‌كا شێوه‌كارى لژێر دوریشمێ (ب ڤیانێ‌ دێ‌ گەهن ئێك و ل گەلەریا زاخۆ دێ‌ داهێنانێ‌ كه‌ن) ژبۆ 100 هۆنه‌رمه‌ندێن شێوه‌كار یێن عیراقێ ل گه‌له‌ریا زاخۆ ڤه‌كه‌ت.

به‌رێز (دلخاز موسا) ڕێڤه‌به‌رێ ڕه‌وشه‌نبیرى و هونه‌رى ل قه‌زا زاخۆ ب ئاوایه‌كێ تایبه‌ت ژبۆ ده‌زگه‌هێن ڕاگه‌هاندنێ لدور بابه‌تى گۆتییه‌: پێشانگه‌ها ناڤهاتى دێ ل ڕێكه‌ڤتیێن (24/25) ئه‌ڤێ مه‌هێ ب پشكداریا هونه‌رمه‌ندێن شێوه‌كار ل سه‌رانسه‌رى ئیراقێ هێته‌ ڤه‌كرن و بۆ ده‌مێ دوو ڕۆژان دێ به‌رهه‌مێن وان هێنه‌ نیشاندان. هه‌روه‌سا ڕێڤه‌به‌رى زێده‌تر گۆتییه‌: ئه‌ڤ پێشانگه‌هه‌ بۆ جارا ئێكێیه‌ ل باژێرێ زاخۆ دهێته‌ سازكرن، ئارمانجا سه‌ره‌كى ژ ڤه‌كرنا ئه‌ڤێ پێشانگه‌هێ دروستكرنا په‌یوه‌ندیێن كه‌لتوورى و ڕه‌وشه‌نبیرییه‌ دناڤبه‌را هونه‌رمه‌ندێن هه‌رێما كوردستانێ و ئیراقێدا، له‌ورا مه‌ پێدڤیێن باش ژبۆ پێشانگه‌هێ كرینه‌.