Skip to content
ل ڕۆژا ئێكشه‌مبێ ڕێكه‌ڤتى (14/7/2019) ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێز پرۆفیسۆرێ هاریكار دكتۆر (یاسین تاها مسته‌فا) هاریكارێ سه‌رۆكێ زانكۆیێ بۆ كاروبارێن زانستى و خواندنا بلند و به‌رێز دكتۆر (دلێر عادل جه‌میل) ڕێڤه‌به‌رێ سه‌نته‌رێ ڕاهێنان و پێشخستنێ و به‌رێز ماموستا (سلێمان منفر) ژ سه‌نته‌رێ ڤه‌كۆلینێن زانستى ب سه‌ره‌دانه‌كا فه‌رمى گه‌هشت زانكۆیا ته‌هران ل وه‌لاتێ ئیرانێ و ب گه‌رمى ژلایێ ڕێزدار پرۆفیسۆر دكتۆر (محمود نیلى ئه‌حمه‌د عه‌بادى) سه‌رۆكێ زانكۆیێ هاتنه پێشه‌وازیكرن.
پاشان ب ئاماده‌بوونا به‌رێزان ماموستا (كرامان) هاریكارێ سه‌رۆكێ زانكۆیا ته‌هران بۆ كاروبارێن نێڤده‌وله‌تى و پرۆفیسۆر (زه‌مان) ڕێڤه‌به‌رێ نڤێسینگه‌ها سه‌رۆكێ زانكۆیێ و چه‌ندین ماموستایێن دیتر كۆمبوونه‌ك ده‌رباره‌ى چه‌ندین مژار و بابه‌تێن ئه‌كادیمى هاته سازكرن. هه‌روه‌سا لدووماهییا كۆمبوونێ
ڕێكه‌ڤتنامه‌یه‌كا لهه‌ڤگه‌هشتنێ دناڤبه‌را هه‌ر دوو زانكۆیاندا هاته ئیمزا كرن و ئه‌ڤان خالێ، لخوارێ دیاركرى جهێ خۆ د ڕێكه‌ڤتنامه‌یێدا كر:
1ـ كاركرنا و ئه‌نجامدانا ڤه‌كۆلینان لدور (ژێده‌رێن ئاڤێ، ژینگه‌هێ و سرۆشتى).
2ـ ڕه‌خساندنا ده‌رفه‌تێن خواندنا دكتۆرایێ د زمانێ فارسیدا.
3ـ ئه‌ندامبوونا زانكۆیا زاخۆ د كومه‌له‌یا زانكۆیێن ئاسیا دا.
4ـ ڤه‌كرنا پشكا زمانێ فارسى.
5ـ ڤه‌خواندنا ماموستایێن زانكۆیا زاخۆ بۆ دیدارا ڕۆژهه‌لاتا ناڤین، ئه‌وا كو بریاره ل زانكۆیا ته‌هران بهێته گێران.
Post Views:
415