ل ڕۆژا دووشه‌مبێ ڕێكه‌ڤتى (15/7/2019) ب ئاماده‌بوونا به‌رێز پرۆفیسۆرێ هاریكار دكتۆر (دیار عه‌بدولكه‌ریم سه‌عید) هاریكارێ سه‌رۆكێ زانكۆیێ بۆ كاروبارێن كارگێرى و دارایى و به‌رێز دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان و به‌رێز دكتۆر (قه‌ره‌نى سه‌عید) ڕێڤه‌به‌رێ گشتیێ ساخله‌میا قه‌زا زاخۆ و ڕاگرێن كۆلیژ و فه‌كۆلتییێن، كۆلیژا پزیشكى ڕێوره‌سمێن ئه‌نجامدانا پرۆژه‌یێ زانستى ئه‌وێ لژێر ناڤونیشانێ (قوتابخانه‌یا هاڤینێ) كو دێ بۆ ماوه‌یێ (15) ڕۆژان ب كار و چالاكیێن زانستى و ئه‌كادیمى به‌ردوام بیت لدارخستن.

هه‌ژییه‌ بێژین، كولیژا پزیشكى ل زانكۆیا زاخۆ ب مه‌ره‌ما ئه‌نجامدانا كار و چالاكیێن زانستى و ئه‌كادیمى پرۆژه‌یه‌ك لژێر ناڤونیشانێ (قوتابخانه‌یا هاڤینێ) پێشكێشكرییه‌ و د ئه‌ڤى پرۆژه‌یدا دێ چه‌ندین كار ژلایێ ماموستا و قوتابیێن زانكۆیا زاخۆ ب شێوه‌یێ (تیۆرى و پراكتیكى) هێنه‌ ئه‌نجامدان. ب ئه‌ڤى پرۆژه‌یى ماموستا و قوتابیێن زانكۆیا زاخۆ دێ مفایه‌كێ باش گه‌هینن خه‌لكێ قه‌زا زاخۆ، ژبه‌ركو ب ئه‌ڤى كارێ خۆ دێ خه‌لكێ ژ نێزیك بینن و تاقیكرنێن زانستى یێن جۆراوجۆر ئه‌نجامده‌ن. هه‌روه‌سا ئارمانجا سه‌ره‌كى یا ئه‌ڤى كار بلندكرنا ئاستێ زانستى و شیانێن قوتابییان و گونجاندن دگه‌ل سیسته‌مێ نوى یێ خواندنێ و بهێزكرنا ژێرخانه‌یا ئه‌كادیمى یا كۆلیژێ یه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *