ل ڕۆژا ئێكشه‌مبێ ڕێكه‌ڤتى (21/7/2019) زانكۆیا زاخۆ ب هه‌ڤكارى دگه‌ل سه‌نته‌رێ (LKX) و په‌یمانگه‌ها ئه‌مریكى و بۆردێ ئه‌لمانى و په‌یمانگه‌ها حكومرانییا باش و كۆمه‌له‌یا ئه‌كادیمییا زانستێن سیاسى بۆ یه‌كه‌مینجار لسه‌ر ئاستێ هه‌رێما كوردستانێ دێ ڕابن ب ڤه‌كرنا خۆله‌كا ئه‌كادیمى د بوارێ پێگه‌هاندنا كه‌سایه‌تیێن سیاسى و كارگێرى یێن سه‌ركه‌ڤتى ل باژێرێ زاخۆ دا.
د خۆلا ناڤهینایدا دێ نێزیكى (17) بابه‌تێن گرنگ یێن ڕۆژه‌ڤێ ژلایێ (17) پرۆفیسۆر و ئه‌كادیمست و ماموستاییێن زانكۆ و كه‌سایه‌تیێن ڕه‌وشه‌نبیرى یێن ناڤخۆ و ده‌رڤه‌یى هه‌رێما كوردستانێ هێنه‌ پێشكێشكرن، بابه‌تێن خۆلێ پێكدهین ژ (سیسته‌مێن سیاسى، سیاسه‌تا ده‌ره‌كى و دیپلۆماسییه‌ت، سه‌ركردایه‌تى و ڕێكخستن، زمانێ جه‌سته‌یى، پرۆتوكول، كارگێرى، هزرا سیاسى، مێژوو، گه‌شه‌پێدانا ئابۆرى، ده‌روونناسى، ڕه‌فتارا سیاسى و ڕاگه‌هاندن، كارگێریا قه‌یرانان، ئه‌ركێن فه‌رمانبه‌رى ژلایێ یاسایێ، پارتێن سیاسى، ناڤبژڤانییا سیاسى، فه‌لسه‌فه‌، گۆتار).
لدووماهییێ گرنگه‌ بێژین، كو بتنێ ئه‌ڤ كه‌سایه‌تییه‌ (ڕێڤه‌به‌ر و به‌رپرسێن یه‌كه‌یێن كارگێرى، فه‌رمانبه‌رێن میرى، به‌رپرس و كارگێرێن پله‌ بلند یێن پارتێن سیاسى، په‌رله‌مانتار، ماموستایێن زانكۆیێ، ڕێڤه‌به‌رێن سه‌ندیكا و ڕێكخراوان، ڕۆژنامه‌ڤان و بیزنیسمانان) دشێن به‌شدارى خۆلێ بین.
تێبینى:
1ـ بۆ زانین ماوه‌یێ خۆلێ ئێك هه‌یڤه‌ و دێ ل هۆلا (ڕۆژ) ل كۆلیژا كارگێرى و ئابۆرى ل زانكۆیا زاخۆ هێته‌ پێشكێشكرن.
2ـ بوهایێ پشكداریكرنێ د خۆلێدا بتنێ (150) دولارێن ئه‌مریكینه‌.
3ـ بۆ زانینا زانیاریێن زێده‌تر، په‌یوه‌ندیێ ب ئه‌ڤێ هژمارێن دیاركرى بكه‌ن: 07505458881 یان 07824946070

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *