ڕێڤه‌به‌ریا سه‌نته‌رێ ته‌كنۆلۆژیا زانیارى و ئامارێ ل سه‌رۆكایه‌تییا زانكۆیا زاخۆ ب خۆشحالى ڕادگه‌هینیت، كو لدویڤ نویترین ڕێزبه‌ندییا مالپه‌رێ (وێبوماتریکس بۆ گۆگل سایتەیشن) زانكۆیا زاخۆ لسه‌ر ئاستێ زانكۆیێن هه‌رێما كوردستانێ ل ڕێزا شه‌شێ هاتییه‌ ده‌ستنیشانكرن و پله‌یه‌كا هه‌ره‌باش بده‌ستڤه‌هینایه‌، هه‌روه‌سا ل پێشییا چه‌ندین زانكۆیێن كوردستانێ یێن ناڤوده‌نگێ خۆ هه‌یى جهێ خۆ گرتییه‌ و بوویه‌ جهێ سه‌رنجراكێشانا سازیێن ئه‌كادیمى و زانستى.

گرنگه‌ بێژین، كو وه‌زاره‌تا خواندنا بلند و ڤه‌كۆلینێن زانستى یا حكومه‌تا هه‌رێما كوردستانێ ژى ئه‌ڤ لیسته‌ یا ڕێزبه‌ندیێ بۆ مه‌ها حه‌فت یا ئه‌ڤ ساله‌ ڕاگه‌هاندییه‌ و بایه‌خه‌ك گرنگ ب هه‌لسه‌نگاندنا مالپه‌رێ (وێبوماتریکس) دایه‌، ژبه‌ركو مالپه‌رێ ناڤهاتى ب شێوه‌یه‌كێ ڕاسته‌وخۆ پشتبه‌ستێ لسه‌ر ماموستایێن زانكۆیێ و ڤه‌كۆلینێن وان دكه‌ت و چه‌ندین سایته‌یشێن جۆراوجۆر هه‌نه‌. د ڕێزبه‌ندییا ئه‌ڤێ مه‌هێدا مالپه‌رێ (وێبوماتریکس) ڕێزبه‌ندى بۆ (100) ڤه‌كۆله‌ران ل هه‌ر زانكۆیه‌كێ كرییه‌ و پاشان ئه‌نجامێن خۆ ب ڕه‌نگه‌كێ فه‌رمى ڕاگه‌هاندینه‌.

لدوماهییێ ئه‌م دشێن بێژن، كو ئه‌ڤ ئه‌نجامێ هه‌ره‌باش ب ئه‌گه‌رێ پشته‌ڤانییا سه‌رۆكایه‌تییا زانكۆیێ بۆ ڤه‌كۆله‌ر و ماموستایان ژبۆ ئه‌نجامدانا ڤه‌كۆلینان بده‌ستڤه‌هاتییه‌. خاله‌كا دیتر یا گرنگییا خۆ د ئه‌ڤى ئه‌نجامیدا هه‌یى ڕۆلێ سه‌نته‌رێ ته‌كنۆلۆژیا زانیارى و ئامارێ ژبۆ كۆنترۆلكرن و دروستكرنا پرۆفایلێن ماموستایان لسه‌ر (گۆگل سكۆله‌رى) بوویه‌ و ل داهاتى ئه‌م چاڤه‌رێیا ده‌رئه‌نجامێن هه‌ره‌باشتر ژى دكه‌ن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *