ديار ئه‌ره‌دنى

ئه‌ڤه‌ نێزیكى دوو ڕۆژانه‌ دناڤ تۆرێن جڤاكیدا ل پارێزگه‌ها دهۆكێ باس باسێ دوماهیك به‌رهه‌مێ چاپبوویى یێ نڤیسكار (دیار ئه‌ره‌دنى) یه‌، به‌رهه‌مێ وى لژێر ناڤونیشانێ (ئێڤا) كو ژانرێ ڕۆمانێیه‌ و دبیت دوویه‌مین ئه‌زموونا نڤیسكارى د بوارێ ڕۆمانێدا، ژبه‌ركو به‌رى نها ژى نڤیسكارى ڕۆمانه‌ك لژێر ناڤونیشانێ (ئاترا) چاپ و به‌لاڤه‌كربوو.

دیار ئه‌ره‌دنى ب ئاوایه‌كێ تایبه‌ت ژ بۆ مالپه‌رێ (خه‌ده‌نگ) ڕاگه‌هاند: دووماهیك به‌رهه‌مێ من ژانرێ ئه‌ده‌بى (ڕۆمانه‌) و بناڤێ (ئێڤا) هاتییه‌ به‌لاڤه‌كرن، به‌رهه‌م ب قه‌باره‌یێ ناڤنجییه‌ و ب چاپ و دیزاینه‌ك مودرێن ل وه‌لاتێ (ئیرانێ) هاتییه‌ چاپكرن، چاپا ئێكێ (2000) دانه‌نه‌ و بتنێ د ڕۆژا ئێكێ و دوویێدا (250) دانه‌ هاتینه‌ فرۆتن و ب ئه‌ڤێ چه‌ندێ ڕۆمانا من دبیت پڕ فرۆشترین ڕۆمانا ده‌ڤه‌رێ د ماوه‌یێ ئه‌ڤان ڕۆژێن ده‌ربازبوویدا.

نڤیسكارى زێده‌تر گۆت: په‌رتووكخانه‌ و وه‌شانخانه‌یا (ئاترا) ب ئه‌ركێ چاپ و به‌لاڤه‌كرنا ڕۆمانێ ڕابوويه‌ و هه‌مى ماف بۆ په‌رتووكخانه‌يێ پاراستينه‌، هه‌روه‌سا د ده‌مه‌كێ نێزیكدا دێ په‌رتووكخانه‌يا (ئاترا) په‌رتووكێ ل سه‌رانسه‌رى پارێزگه‌ها دهۆكێ به‌لاڤه‌كه‌ت و خوانده‌ڤان دكارن ل هه‌مى په‌رتووكخانه‌یان بده‌ستخۆڤه‌بینن.
دهێته‌ زانین، كو نڤیسكار (دیار ئه‌ره‌دنى) ب شێوه‌یه‌كێ تایبه‌ت پرۆسێسا نڤێسینێ ئه‌نجامدده‌ت و پتریا نڤێسینێن وى ب ستایله‌ك جودا دهێنه‌ ئافراندن، هه‌روه‌سا ناڤه‌رۆكێن به‌رهه‌مێن وى ده‌ربرینێ ژ كه‌توار و ئێش و ژانێن مرۆڤان ب شێوه‌یه‌كێ گشتى دكه‌ن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *