دژوار بابێ زنار

ئاماده‌كرن و نڤێسین: دژوار بابێ زنار

ئێکە ژ نەخوشیێن دەروونییه‌ هزرەکا دووبارەکەرە و دژی حەزا مرۆڤی دهێتە د سەرێ مرۆڤی دا و جاران دبتە هەستەک و د مەژیێ مرۆڤی دە دووبارە دبیت. مروڤ نەچار دبت کو کارەکێ بکت، لدووماهییێ کو هندی بەرگرییێ ژ خوە بکت نەشێت. ئەڤ نەخوەشییە، ب ِرێژا 3% خەلک توش دبنێ بۆ هەردوو ڕەگەزان وەکهەڤە، لێ پتر لدەڤ نێر پەیدادبت و ل گەنجێن نێر پتر دیارە ژ مێیان و مەزنبوونێ بەلاڤبوونا وێ بۆ هەردوو ڕەگەزان وەک ئێکە، ل ژیێ 19 هەتا 25 ژ هەموو تەمەنێن دی پتر پەیدادبت. ئەڤ تێکچوون و نەخوەشییە ل ژییێ سنێلەیێ دەستپێدکەت، هندەک جاران ئێکسەر دەردکەڤیت. هندەکجاران هێدی هێدی سەرهلدەت، ئەڤ نەخوەشیی و تێکچوونە گەلەک رەنگ و جورێن خوە یێن هەین.

جۆرێ ئێکێ نەخوەشیا وەسواسا نەچارە ب کریارا :
دژی هزرو بیرێن ویێن کەسوکی نە، ئەو هزر ژ نشکەکیڤە دهێنە د سەرێ وی دە و دووبارە دبن دژی بیرو باوەرێن وی یێن ئولی نە، ئەو هزر کوفری و نەجسن دەرباری خودێ پێغەمبەرانن. رەنگە نەخوەش کەسەکێ ئیماندارە ژی بیت، نەشێت کونترۆل ل بەرگرییا وان هزران بکەت و خوە ژێ قورتال بکەت. ب درێژاهییا رۆژێ گەلەک زەحمەت و ئەزیەتێ دبینیت ب دەستێ وان هزران، ئەوێن نە ب دەستێ وی، ئەو ژی ژبەر تێکچوونا ڤەگوهێزەرێ سیروتین د مێشکێ مرۆڤی دە.

جور و رەنگەکێ دی یێ ڤێ نەخوەشیێ:
هزر خوە د مێشکێ وی دە دووبارە دکن، دترسیت ئێک ژ خوشتڤیێن مالباتا خوە بکوژیت. ئەڤ هزرو وێنە د مێشکێ وی دە دروست دبن، گەلەک وی دئێشینن، بەس چ جاران ئەو هزر نابن کریار. بلا نەخوەش دگەل وەرگرتنا چارەسەریێ لدەڤ نوشداری پێکۆل و بزاڤێ بکت خوە نێزیکی وان تشتان بکەت، میناک گەر نەخوەش بێژیت ئەز ژ کێران و چەقویان دترسم کورێ خوە بکوژم. گەرەکە نەخوەش دگەل وەرگرتنا دەرمانان خوە نیزیکی وان تشتان بکەت، چ جاران ئەو هزر نابن راستی. تێکچوونا وەسواسا نەچارە ب کریار (اضطرابات الوسواس القهري) هندەک جورێن دی ژی یێن هەین، وەکو ڕەفتار دیاردبن.
وەسواسا پاقژیی؛ گەلەک تشتێن مالێ دشۆت، وەکو پەردە و ریلێحێف یان سەرێ زارۆیێن خوە رۆژێ سێ جار جاران دشۆت، ب درێژاهیا رۆژێ ماندیبوونه‌ك مەزن دبینن ب پاقژکرنێ ڤە.

جورەکێ دی وەسواسا رێکخستنێ:
تابلۆ یان پێنوسان، بەس دێ رێکخستنا وان تشتان ڤە مینت.
رەنگەکێ دی یێ هەیی وەسواسا دووبارە بوون پشتراستکرن:
پلاکان و سوپان، گەلەک جاران دووبارە دکەت هلدکەت و تەمرینیت.
رەنگەکێ دی یێ ڤێ نەخوەشیێ، وەسواسا هژمارتنێ:
میناک دێ پاران هژمێریت سێ بارە چار بارە، وی نەچار دکت نە دەستێ وی یە.
ئەگەرێن ڤێ نەخوەشییێ بۆ چەندین ئەگەران دزفریننن، ئەگەرێ تێکچوونا ڤەگوهێزەرێ سیروتین د مێشکی دە یان بۆ ئەگەرێ ماوەیی ویراسیی دزفریننن یان بۆ ئەگەرێ پەروەردەکرنا دەیبابان ژ وانا ئەو رەفتار فێربوونە.

چارەسەریی بۆ ڤێ نەخوەشییێ:
گەرەکە دگەل وەرگرتنا دەرمانان ژ لایێ نوشدارێ دەروونیی ڤە، گەلەک گرنگە روینیشتنان دگەل رابەر و راوێشکارێ دەروونیی گرێبدەت. دا پتر زانیاریان لسەر تێکچوون و نەخوشیا خوە بزانیت، رەوشا خوە بۆ وی روون و زەلال بکەت، راوێشکار رێک و چارەیان و سەرەدەریکرنێ بۆ رەوشا وی ببینت، دا بشێت پتر بەرگریێ گەل نەخوەشیا خوە بکەت. دگەل شیرەت و رێنمایێن راوێشکارێ دەروونیی، دا بشێت پتر بەرامبەری ڤێ نەخوەشییێ راوەستیت، گەر بۆ هەڤال و هاریکار دگەل ڤێ نەخوشییێ بێ مفایە. گەرەکە نەبت هەڤپشک دگەل ڤێ نەخوەشییێ، پێگیری و پراتیزەکرن رێنمایێن راوێشکارێ دەروونیی بکت، دا بشێت بەرسنگێ ڤێ تێکچونێ بگرت، گەر نە بێ سوده‌ .
میناک گەر وەسواسا پاقژیی هەبیت، هەر هەفتێ دەمژمێرین خوە کێم بکەت یان خشتەیەک بۆ خوە دورست بکەت. گەر ئێک دمژمێرێ مینیت سەر شۆێ ڤە، بکت پێنجیی خولەک هەفتیا دویڤ دە بکت نیڤدەمژمێر. هوسان دگەل رێنما و شیرەتێن نوشدار و رابەری دشێت جارەک دن ڤەگەریتە سەر رەوشا خوەیا سروشتیی، دگەل هاریکاریا دەرمانان پێگیری پێ بکەت و رێک و پێک بخۆت،
گەر هزرێن خەریب د سەرێ نەخوەش و دە هەبن، وان هزران (تسجیل الصوت) بکت. ب سماعا تەلەفوونێ گوهداریی بکت، رۆژانە بۆ چەندین جاران، ئەو هزرێن تامسار و بێ تابەت لدەڤ وی دێ بارکەن دگەل هاریکاریا وەرگرتنا دەرمانان.بۆ زانین گەلەک کەسێن بناڤودەنگ ل جیهانێ تووشی ڤێ نەخوەشییێ بوونە، میناک ئەکتەرێ سیمنایی لیوناردو دیکاپریو، بەرنیاس جاک، توشی نەخوەشیا وەسواسا نەچارە ب کریار ببوو.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *