Skip to content
ل ڕۆژا چوارشهمبێ ڕێكهڤتى (3/7/2019) ڕێزدار پرۆفیسۆرێ هاریكار دكتۆر (لهزگین عهبدى جهمیل) سهرۆكێ زانكۆیا زاخۆ و ب ئامادهبوونا هاریكارێن سهرۆكێ زانكۆیێ و ڕاگرێن كۆلیژ و فهكۆلتیان و ماموستایێن هێژا، پێشهوازییهك گهرم ل سهرۆكێ (زانكۆیا كویه) و شاندێ دگهلدا هاتهكرن و كۆمبوونهك دهربارهى ڕهوشا خواندنێ و ئاستێ زانكۆیێن ههرێما كوردستانێ هاته سازكرن.
لدهستپێكا كۆمبوونێ ههر دوو ئالیان ب ئاوایهكێ ئهكادیمیانه باسێ پرۆسێسا خواندنێ و چاوانییا پێشئێخستنا زانكۆیێن حكومى و كهرتێ تایبهت ل ههرێمێ كرن، پاشان ب ڕهنگهكێ تایبهت لدور كار و چالاكیێن ههر دوو زانكۆیان (زانكۆیا زاخۆ ، زانكۆیا كویه) دانوستاندن هاته ئهنجامدان. ژلایێ خۆ ڤه بهرێز سهرۆكێ زانكۆیا زاخۆ ب درێژى ئاماژه ب چالاكیێن زانكۆیا زاخۆ و گێرانا كور و كۆنفرانسان و بهلاڤهكرنا ڤهكۆلینێن ماموستایێن زانكۆیا زاخۆ د كۆڤار و وهشانێن نێڤدهولهتیدا دا، ههروهسا سهرۆكێ زانكۆیێ باسێ جێبجێكرنا سیستهمێن نوى و مودرێن یێن جیهانى ل زانكۆیا زاخۆ بۆ نموونه (پرۆسێسا بۆلۆنا) و دهرئهنجامێن ههرهباش یێن ئهوێ پرۆسێسێ و میناكێن وێ بۆ ئامادهبوویان كر.
ژ لایهكێ دیتر ڕێزدار سهرۆكێ (زانكۆیا كویه) كهیفخۆشییا خۆ ب كار و چالاكیێن ئهكادیمیێن زانكۆیا زاخۆ دهربرى و خوازت لسهر ئهڤى میتودێ پێشكهڤتى بهردهوام بن، ژبهركو زانكۆیا زاخۆ دشێت ببت نموونهیهك ههرهباش یا زانست و زانینێ ل ههرێما كوردستانێ و مفایى بگههینت گشت بوار و سێكتهرێن خواندنێ ل سهرانسهرى وهلاتى.
پشتى ههر دوو ئالیان ب تێر و تهسهلى باسێ خواندنێ و چاوانییا پێشئێخستنا زانكۆیان و گونجاندنێ دگهل دونیایا نوى و مودرێن كرین، ڕێكهڤتنامهیهكا لههڤگههشتنێ ب مهبهستا گێرانا كۆنفرانسێن زانستى و ڤهكرنا خولێن ڕاهێنانێ و ل ههڤگوهارتنا ستافێ ئهكادیمى دناڤبهرا ههر دوو زانكۆیاندا هاته ئیمزاكرن.
Post Views:
0