Skip to content
ل ڕۆژ سێشه‌مبێ ڕێكه‌ڤتى (2/7/2019) شانده‌كێ بلند ژ زانكۆیا پۆلیته‌كنیك یا هه‌ولێرێ ب سه‌ره‌دانه‌كا فه‌رمى گه‌هشتن زانكۆیا زاخۆ و ژ لایێ به‌رێزان پرۆفیسۆرێ هاریكار دكتۆر(یاسین تاها مسته‌فا) هاریكارێ سه‌رۆكێ زانكۆیێ بۆ كاروبارێن زانستى و خواندنا بلند و دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان ب گه‌رمى هاتنه پێشه‌وازیكرن.
د سه‌ره‌دانا خۆ دا هه‌ر دوو ئالیان به‌خته‌وه‌ریا خۆ ب دیتن و دیدارا هه‌ڤدوو دیاركرن، هه‌روه‌سا ته‌كه‌زى لسه‌ر خۆرتكرنا په‌یوه‌ندیان و به‌رده‌وامییا سه‌ره‌دانان كرن. پاشان ل هۆلا كۆمبوونان ل سه‌رۆكایه‌تییا زانكۆیا زاخۆ كۆمبوونه‌ك سه‌باره‌ت سیسته‌مێن ئه‌لیكترۆنيیێن زانكۆیێ و بۆلۆنا پرۆسێس هاته لدارخستن، ستافێ ئه‌كادیمییێ زانكۆیا زاخۆ ب ئاوایه‌كێ فه‌رمى گشت ئالییێن سیسته‌مان و پرۆسێسا بۆلۆنا بۆ شاندێ زانكۆیا پۆلیته‌كنیك شرۆڤه‌كرن و ده‌ستێ زانستى و ئه‌كادیمییێ هاریكاریێ بۆ مێهڤانان پێشكێشكرن، هه‌لبه‌ت ئه‌ڤ هاريكاريا زانستى لسه‌ر بنه‌مايێ به‌رژه‌وه‌نديا گشتى و پێشئێخستنا جڤاكێ كوردى و بلندكرنا ئاستێ زانكۆيێن هه‌رێما كوردستانێيه.
لدووماهييا كۆمبوونێ، مێهڤانێن فه‌رمييێن زانكۆيا زاخۆ خۆشحاليا خۆ ب ديدار و پێشه‌وازيا گه‌رم ده‌ربرين و خوازتن گشت زانكۆيێن هه‌رێما كوردستانێ د بياڤێ پێشكه‌ڤتن و وارارێدا (زانكۆيا زاخۆ) بكه‌ن نموونه و مفايى ژ ئه‌زموونا وان وه‌ربگرن، ژبه‌ركو زانكۆيا زاخۆ گرنگيێ ب سيسته‌م و ڤه‌ديتنێن نوى د بوارێ زانست و زانيينێدا دده‌ت، هه‌لبه‌ت ئه‌ڤ يه‌كه ژى مايه‌يێ پێشكه‌ڤتن و سه‌ربلنديێيه بۆ ئاستێ زانستى ل هه‌رێما كوردستانێ.
Post Views:
353