مەستوورا ئەردەلانى د ناڤ نڤیسکار و وێژەیا کوردى دا ناڤەک گرنگە. ناڤێ وێ ماهـ شەرەف-خانم مەستورەیە (١٨٠٥-١٨٤٧) د سەدسالا (١٩)ێ دا دیرۆکزان و هەلبەستڤانا ژن یا ڕۆژهەلاتا ناڤین بوو. مەستوورە ل قونتارا چیایێن زاگرۆسێ ل پایتەختێ میرێن ئەردەلانیان ژ باژێرێ (سنە)یێ ژ مالباتەک هەلبەستڤان دا هاتیە دنیایێ و ب جوانیا خوە ژى ناڤدار بوو.

بابێ مەستوورەیی عەبدلحەسەن بەگ کەسەک خواندەڤان و پەیوەندیەک مەزن ب علم و زانستى ڤە هەبوو. هەروەسان ب ئەدەبیاتێ ژى ڤە پەیوەندیدار بوو و گەلەک گرنگى ب زارۆکێن خوە ددا و ب تایبەت مەستوورەیێ. د پەروتوکا مەستوورەیێ ئەوا ب ناڤێ (دیرۆکا ئەردەلان) وەها هاتیە نڤێسین: “ب دەستوورا خودێ و ئەم ب حەزکرنا دایکا خوە هاتن دنێ، ئەم ب پەروەردەیا باڤێ خوە د ژیانێ دا خەباتێ دکن.” رەوشەنبیر ڤێ چەندێ ب ڤی رەنگى شرۆڤە دکن کو بابێ وێ هەموو دەما دخاست چاندا خوە دەربازى زارۆکێن خوە بکت. مەستوورە ژى هێژ د زارۆکینیا خوە دا پەیوەندى ب نڤێسین و خواندێ ڤە هەبوو. هەروەسان ل جهەک دى ئاماژێ ب پەروەردا خوە دکت و دبێژت: “مە  ب خێرا بابێ خوە پێنووس هەلگرت فێرێ خواندن و نڤێسینێ بوون.”

مەستوورە خانم هەلبەستڤانەک گەلەک باش و دیرۆکزانەک ئاست بلند بوو. زمانێ فارسى و عەرەبى باش دزانى. ناڤدارترین بەرهەمێ وێ ژى پەرتوکا ( دیرۆکا ئەردلان)ە، کو ب سالان ل سەر ڤی بەرهەمى کار کریە و شیایە بەحسێ دیرۆکا عەشیرا ئەردەلانیان یا کو ژ هەشت هیجرەیان پێک دهات بکت.

د سالا ١٩٦٧ د کوڤارا (رەش و سپى) یا ئیرانى دا نڤیسێن مەستوورەیێ هاتن وەشاندن و ژنا هەرە گرنگ د لیتراتۆرا کوردى و فارسى دا هات هژمارتن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *