هه‌ر ژ ڕۆژا سێشه‌مبێ ڕێكه‌ڤتى 18/6/2019 هه‌تا ڕۆژا پێنجشه‌مبێ ڕێكه‌ڤتى 27/6/2019 سه‌نته‌رێ ته‌كنۆلۆژیا زانیارى و ئامارێ ICT ب هه‌ڤكارى دگه‌ل سه‌نته‌رێ ڕاهێنان و پێشخستنێ ووركشۆپه‌ك ده‌رباره‌ى سیسته‌مێ (مودل) ل هۆلا (سه‌نته‌رێ ڕاهێنان و پێشخستنێ) گێران. ووركشۆپێ ناڤهاتى، لژێر چاڤدێریا به‌رێز دكتۆر (كاروان فه‌همى سامى) هاریكارێ سه‌رۆكێ زانكۆیا زاخۆ بۆ كاروبارێن قوتابییان و برێڤه‌برن و پێشكێشكرنا ڕێزداران (یوسف كربیت ارشاك) و خانم (شه‌یما قاسم سه‌برى) ماموستا ل پشكا زانستێن كۆمپیۆته‌رى و ئه‌ندامێن سه‌نته‌رێ ته‌كنۆلۆژیا زانیارى و ئامارێ هاته‌ ئه‌نجامدان.
هه‌ژییه‌ بێژین، كو د ووركشۆپێ ناڤهاتیدا ماموستایان گشت ئالیێن سیسته‌مێ مودل و چاوانییا سه‌ره‌ده‌ریكردنێ دگه‌ل سیسته‌مى وه‌ك ماموستا، هه‌روه‌سا چاوانییا به‌لاڤه‌كرنا وانه‌یان لسه‌ر كورسى كو قوتابى ب شێوه‌یێ ڕاسته‌وخۆ (ئۆنلاین) وانه‌یێن خۆ ببینن و چاوانییا دروستكرنا ئه‌ركێن مال بۆ قوتابییان و هه‌لسه‌نگاندنا ئه‌ركێن قوتابییان …هتد، هاته‌ شرۆڤه‌كرن.
لدووماهییێ گرنگه‌ بێژین، كو (264) ماموستایێن زانكۆیا زاخۆ ژ هه‌مى كۆلیژ و فه‌كۆلتیان د ووركشۆپیدا به‌شداربوون و خۆشحالیا خۆ ب ئه‌ڤى كار و ده‌ستكه‌ڤتێ زانستى یێ زانكۆیا زاخۆ ده‌ربرین. سیسته‌مێ مودلى ئێك ژ پێشكه‌ڤتیترین سیسته‌مایه‌، ژبه‌ركو ئه‌ركێ ماموستا و قوتابییان ئاسان دكه‌ت و پرۆسێسا خواندنێ پێشدئێخیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *