زانكۆیا زاخۆ پشكدارى د پێنجه‌مین كۆنفرانسێ نێڤده‌وله‌تیێ ئه‌ندازیاریا پێشكه‌ڤتیدا كر

ل ڕۆژا دووشه‌مبێ ڕێكه‌ڤتى (24/6/2019) ڕێزدار دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان و به‌رێز دكتۆر (ئیسماعیل عه‌لى عه‌لى) ڕێڤه‌به‌رێ ڕێڤه‌به‌ریا خواندنا بلند ب ئاوایه‌كێ فه‌رمى پشكدارى د پێنجه‌مین كۆنفرانسێ نێڤده‌وله‌تیێ ئه‌ندازیاریا پێشكه‌ڤتیدا ئه‌وێ لژێر دوریشمێ (5th International Engineering Conference on Developments in Engineering Applications) كو ژلایێ زانكۆیا (ئیشق) ل باژێرێ هه‌ولێرێ و زانكۆیا پۆلیته‌كنیك یا هه‌ولێرێ و ب چاڤدێریا ڕاسته‌وخۆ یا سازییا (IEEE) لقێ ئیراقێ هاتبوو سازكرندا كرن.
ستافێ ئه‌كادیمیێ زانكۆیا زاخۆ ب شێوه‌یه‌كێ سه‌ركه‌ڤتیانه‌ و نایاب ووركشۆپه‌ك دناڤ په‌نه‌لێن كۆنفرانسیدا پێشكێشكرن و ئاماده‌بوویێن كۆنفرانسى خۆشحالیا خۆ ب ووركشۆپى ده‌ربرین و دانوستاندنێن زانستیانه‌ لدور بابه‌تى ئه‌نجامدان. پاشان هه‌ر دوو ماموستایێن زانكۆیا زاخۆ ب باوه‌رنامه‌یێن تایبه‌ت ژ لایێ ستافێ ڕێكخر یێن پێنجه‌مین كۆنفرانسێ نێڤده‌له‌تى هاتنه‌ خه‌لاتكرن.