نیکۆلایى ڤاسیلیەڤیچ گۆگۆل ل ٣١ ئادارا ١٨٠٩ ل نێزیک پۆلتافیایێ، ل گۆندێ ڤەلیکیە شیرۆچینزاکیێ هاتیە دونیتیێ. گۆگۆل ژ مالباتەک جوتکار بوو، زارۆکینا وى د بن کارێگەریا ژیانا گوندان و کولتورێ کازاکان دەرباز بوو. ژیانا وى ب ڤى رەنگى د بەرهەمێن وى دا رەنگڤەدایە

مالباتا گۆگولى نە وەک چ ماباتێن دى یێن جوتکار بوون، پر ئەدەبدۆست و هونەرحەز بوون. هێژ زارۆک بوو، کەت دبن کارتێکرنا ئەدەبیاتێ دا و هێژ ل دبستانێ دا هەلبەست نڤیساندن و شانۆگەرى چیدکرن.

گۆگولى ل سالا ١٨٢٠ ڤیا ببت فەرمانبەر، ژ بەر ڤێ چەندێ چوو پترسبۆرگێ و بۆ دەمەک درێژ ل ل رێڤەبەریەکێ بۆ فەرمانبەر. پاشى ژ بەر دەستکۆرتیا وى، ئەو کار هێلات و ل سالا ١٨٣٥ بەرێ خوە دا کارێ نڤێسینێ.

گۆگۆلى هەژارى، دەستکۆرتى و بێچارەیا مللەتێ خوە ددیت. ژ بۆ کو چارەیەکێ بۆ ڤێ چەندێ ببینت کەت د ناڤ لێگەریانەکێ دا. ل سەر شۆپا پۆشکینى چوو و کەت سەر رێبازا ریالیزما رەخنەگرى. کارتێکرنا پۆشکینى گەلەک ل سەر گۆگۆلى هەبوو. هەروەها گۆگۆل ب خوە ل سەر ژیانا خوە یا ئەدەبى گۆتیە: “ژ بەر رەخنەیا پۆشکینى نەبا، بەلکى من ژى نەنفیساندبا.” ژ رەخەک دى ڤە هەڤالینا وى د گەا پۆشکینى هێزەک دى ددا وى و دشیا خوە ژ دەڤێ رەخنەگران رزگار بکت. ل سالا ١٨٣١ یەکەم بەرهەمێ خوە بەلاڤ کر، کو ژ هەشت چیڕۆکان پێک دهات. ب ڤی بەرهەمى سەرنجا گەلەک ،فیسکار و رەخنەگران راکیشا، و پاشى بەرهەم ل دویڤ بەهەمى نڤیساند. ژ گرنگترین بەرهەمێ وى  چیڕۆکا (پالتۆ) یە، ب ڤێ بەرهەمى ئاستێ خوە یێ چیرۆکنڤێسینێ گەهاند لۆتکەیی و دیسا ڕۆمانەک دى ب ناڤێ (مریێن زندى) وەشاند، ڤێ رۆمانێ ژى رەنگڤەدانەک مەزن کر، پاشى دەهـ سالان دەست نڤیسینا بەرگێ دوێ کر، لێ ژ بەر گڤاشتنێن کەنیسێ نەشیا بەلاڤ بکت و ب ئەمرێ قەشەیەکێ ل سالا ١٨٥٢ دشەوتینت.

گۆگۆل ل ٤ ئادارا سالا ١٨٥٢ وەغەرا دوماهیێ دکت, و پشتى پۆشکینى دبت بابێ ئەدەبیاتا رووسى. چەندین ،نڤیسکار ل ژێر کارتێکرنا نڤێسینا وى دا ماینە ژ وان؛ تۆلستۆى، ئیڤان تۆرگنێف، ئیڤان گاناچارۆڤ و فیۆدۆر دۆتسۆیڤیسکى…

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *