دیدار: شه‌ده‌ن تائى
وه‌رگێران: شیلان شاكر ـ دلێر كه‌مال

نڤێسه‌ر و ڕۆماننڤێس (زینه‌ب ماجد) یا بیست و چوار سالى شیایه‌ ب نڤێسن و به‌رهه‌مێن خۆ ناڤوده‌نگییه‌ك هه‌ره‌باش لسه‌ر ئاستێ ئیراقێ بده‌ستڤه‌بینیت، كو دبیت هه‌تا ده‌مێ نوكه‌ كێم نڤێسه‌ران ئه‌ڤ ناڤوده‌نگییه‌ په‌یداكربیت. زینه‌بێ ب نڤێسین و شیانێن خۆ یێن داهێنه‌رانه‌ كارى جهێ ڕۆمانا ئه‌لیكترۆنى یا ئیراقێ لسه‌ر نه‌خشه‌یێ ڕۆمانێن ئه‌لیكترۆنى ده‌ستنیشان بكه‌ت. نڤیسه‌را گه‌نج چو چیرۆك ب هه‌روه‌یى نه‌نڤێسینه‌ و هه‌ر چیرۆكه‌كا وێ ئارمانجه‌ك دیاركرى هه‌بوو، هه‌روه‌سا ئێك ژ ئارمانجێن سه‌ره‌كى یێن نڤیسه‌رێ مژارا ژنێ و مافێن وێ د ژیانێدا بوون. جهێ ئاماژه‌پێدانێیه‌ كو چیرۆكا لژێر ناڤونیشانێ (المراهقه والاربعینی) گه‌هشتییه‌ 19 ملیون خوانده‌ڤانان و ڕه‌نگڤه‌دانه‌ك هه‌ره‌باش د بوارێ ئه‌ده‌بییاتێدا ل پتریا وه‌لاتێن ئه‌ره‌بى په‌یداكرییه‌. فه‌رموون دیدارا مه‌ دگه‌ل نڤیسه‌را بناڤوده‌نگا عه‌ره‌بى (زینه‌ب ماجد) ب زمانێ كوردى بخوینن.

خه‌ده‌نگ: زینه‌ب ماجد كییه‌ ؟
ـ زینه‌ب ماجد الربیعاوى ژ دایكبوویا سالا 1995 یه‌، من خه‌یالا خۆ بكارهینا دا ژ ژیانا خۆ بره‌ڤم! ئه‌ز هێشتا قوتابى مه‌ و لسه‌ر خواندنا خۆ به‌رده‌وامم.
زینب ماجد كیه و ئه‌وا عه‌رشی نفیسه‌را هه‌ژاندی
خه‌ده‌نگ: ئه‌رێ تو چاوا بوویه‌ نڤیسكار و ته‌ چاوان ده‌ست ب نڤێسینا چیرۆكێ كر؟
ـ من خه‌یاله‌ك به‌رفره‌هـ هه‌بوو هه‌تا هنده‌ك جاران من هزر دكر ئه‌ز دینم! به‌لێ پاشان من ته‌ماشه‌یى فیلمه‌كێ كر و ئه‌و فیلم نێزیكى كاودانێن ژیانا من بوو، له‌ورا من ژى هه‌مى هێز و خه‌یالا خۆ بكارهینان و ده‌ست بنڤێسینێ كر و خوانده‌ڤانان پێشه‌وازییه‌ك گه‌له‌ك باش لێ كر و ب ژانرێ چیرۆك ده‌رچوو.
خه‌ده‌نگ: ئه‌رێ بدیتنا ته‌ دێ چاوا بییه‌ نڤیسكاره‌كا سه‌ركه‌ڤتى، هه‌ر وه‌ك ئه‌م دزانین كو چیرۆكێن ته‌ سه‌ركه‌ڤتینه‌، به‌لێ ئه‌و كیژ چیرۆكا ته‌یه‌ كو ته‌ نڤێسى و وه‌ك ته‌ ڤیایى ده‌ركه‌ڤتى؟
ـ ئه‌گه‌ر مرۆڤ بزانیت دێ چ نڤێسیت و باوه‌رى ب شیانێن خۆ هه‌بیت، هه‌روه‌سا ئه‌و مرۆڤێن دخوازن مرۆڤى ژناڤ ببن پشتگوهـ باڤێت بێگومان دێ ب سه‌ركه‌ڤیت. گرنگه‌ بێژم كو من چ ڕۆمان و چیرۆك نه‌ نڤێسینه‌ هه‌تا ب ته‌مامى پشتراستبام كو دێ ب سه‌ركه‌ڤم، ژبه‌ركو بتنێ یا ئه‌ز دخوازم ئه‌وه‌ كو په‌یامه‌كێ بگه‌هینم كۆمه‌لگه‌هێ ئیراقێ.
خه‌ده‌نگ: ده‌مێ ئه‌م ل ناڤێ ته‌ گه‌ریاین، ئه‌ڤ ناڤه‌ لبه‌ر چاڤێن من كه‌ڤتن (زینه‌ب ماجد وه‌رزانه‌، چیرۆكا سه‌مه‌ر زینه‌ب ماجد، چیرۆكێن زینه‌ب ماج فێسبۆك، چیرۆكا سنێله‌ى و چل سالى یا زینه‌ب ماجد، چیرۆكا من حه‌ز ژ خرابیێن وى كر) ئه‌رێ ب دیتنا ته‌ ئه‌ڤه‌ چ دگه‌هینت؟
ـ ئه‌ڤ چه‌نده‌ ئه‌ڤێ یه‌كێ دگه‌هینت، كو گه‌له‌ك خوانده‌ڤان ل چیرۆك و نڤێسینێن من دگه‌رن، هه‌لبه‌ت ئه‌ڤ چه‌نده‌ جهێ دلخۆشى و سه‌ركه‌ڤتنێیه‌ و پالده‌ره‌ك بهێزه‌ بۆ پێشكێشكرنا به‌رهه‌مێن باشتر.
خه‌ده‌نگ: ئه‌رێ ب دیتنا ته‌ هه‌ر كه‌سه‌ك دكارت ببت نڤیسكار و بۆچى؟
ـ به‌لێ، ژبه‌ركو د سه‌رده‌مێ نها دا هه‌ر تشت ئاسان بوویه‌ بۆ نموونه‌ نوكه‌ سوشیال میدیا هه‌یه‌ و تو دكارى هه‌ر تشتى به‌لاڤه‌ بكه‌یى و هیچ چاڤدێرییه‌ك نینه‌.
خه‌ده‌نگ: ئه‌رێ زینه‌ب ماجد بۆ 19 ملیون ته‌ماشه‌ڤانێن به‌رهه‌مێ خۆ چ دبێژیت؟
ـ شانازیێ ب ئه‌وان دبه‌م، هه‌لبه‌ت دێ باشتر خزمه‌تا وان كه‌م.

خه‌ده‌نگ: ئه‌رێ داهاتیێ ماجد زینه‌بێ هه‌ر ژ ده‌ستپێكا نڤێسینا به‌رهه‌مێن ئه‌ده‌بى هه‌تا نوكه‌ چه‌نده‌؟
ـ ئه‌ز هه‌تا نوكه‌ ب دروستاهى نزانم و هه‌ر بۆ من گرنگ ژى نینه‌.
خه‌ده‌نگ: ئه‌رێ ب دیتنا ته‌ كه‌سایه‌تییا نڤیسه‌رى د به‌رهه‌مێن ویدا بۆ خوانده‌ڤانان دیاردبیت؟
ـ هه‌لبه‌ت هه‌ر نڤیسه‌ره‌كێ ڕێیه‌ك تایبه‌ت هه‌یه‌ كو پێ بهێته‌ ناسكرن.

خه‌ده‌نگ: ئه‌رێ هنده‌ك وه‌لاتێن عه‌ره‌بى خواستینه‌ چیرۆك و ڕۆمانێن ته‌ بكرن؟
ـ به‌لێ، ژبه‌ركو جۆره‌ بكارهینانه‌ك تێدا هه‌بوو، له‌ورا ئه‌ز لسه‌ر ئه‌ڤێ چه‌ندێ ڕازى نه‌بووم. هه‌روه‌سا تشته‌ك گرنگ هه‌یه‌ بێژم كو من ماندیبوون ب خۆڤه‌ برییه‌ هه‌تا كو من ب باشى خۆ ئاڤاكریى و گه‌هشتیمه‌ ئه‌ڤى ئاستێ هه‌یى، به‌لێ نابیت ژبیر بكه‌م كو هه‌ر ده‌م سوپاسیا مالباتا خۆ و هه‌ڤژینێ خۆ دكه‌م، ئه‌و پشته‌ڤان و هه‌ڤكارێن من یێن سه‌ره‌كینه‌.
خه‌ده‌نگ: ئه‌رێ نویترین به‌رهه‌مێ ته‌ چییه‌؟
ـ په‌رتووكه‌ك دێ ل نێزیك چاپ بیت و دێ ل پێشانگه‌ها به‌غداد یا بهێت بۆ خوانده‌ڤانا ئیمزا كه‌م.

خه‌ده‌نگ: لدووماهیێ تو دخوازى چ بۆ مه‌ بێژى؟
هه‌ر كه‌سه‌كێ سه‌رێ خۆ بۆ خودێ بلند بكه‌ت و داخوازا هاریكاریێ ژێ بكه‌ت دێ خودێ هاریكاریێ بۆ كه‌ت و ب سه‌رئێخیت. گه‌له‌ك سوپاس بۆ ئه‌ڤێ دیدارا خۆش و داخوازا سه‌ركه‌ڤتنێ بۆ مالپه‌رێ هه‌وه‌ دخوازم، هه‌روه‌سا من ڕێز و سلاڤ بۆ گه‌لێ كورد هه‌نه‌، ژبه‌ركو كورد ڕه‌وشه‌نبیر و مرۆڤێن ب كه‌یفن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *