د داخویانیەکا تایبەتدا بۆ مالپەرێ فەرمیێ زانکۆیا زاخۆ ھاریکارێ سەروکێ زانکۆیا زاخۆ بو کاروبارێن قوتابییان بەرێز دكتۆر (کاروان فھمی) دا دیارکرن: جڤاتا زانکۆیا زاخۆ بریاردایە بۆ سالا نوى يا خواندنێ (٢٠١٩-٢٠٢٠) قوتابیێن دەرچوویێن پۆلا دوازدێ ئامادەیی ھەردوو خولێن (ئێکێ – دووێ) وەربگریت و برێکا نڤیسارەکا فەرمی زانکۆیا زاخۆ ئامادەیا خۆ دەربریە بۆ وەرگرتنا قوتابیێن دەرچوویێن ھەردوو خولان یێن پولا دوازدێ ئامادەیی، هه‌روه‌سا لدووماھیک کۆمبوونا وەزارەتا خواندنا بلند و ڤەکولینێن زانستى ھاریکارێ سەروکێ زانکۆیا زاخۆ بۆ کاروبارێن قوتابییان جەخت ل ئه‌وێ چەندێ کریە، کو زانکۆیا زاخۆ ئامادەیە دەرچوویێن پۆلا دوازدێ ئامادەیی ھەر دوو خولێن (ئێکێ – دووێ) وەرگریت. ئەڤە د دەمەکێ دایە کو وەزارەتا خواندنا بلند و ڤەکولینێن زانستی پێشتر بریادابوو زانکۆیێن سیستەمێ بۆلونیا لێ دھێتە جێبجێکرن تەنھا دێ قوتابیێن دەرچوویێن خولا ئێکێ یێن پولا دوازدێ ئامادەیی وەرگریت.
Post Views:
486
