زانکۆیا زاخۆ پیرۆزباهیێ ل سەرۆکێ هەرێما کوردستانێ نیچیرڤان بارزانى و سەروکوەزیر مەسرور بارزانى دکەت.

سەرۆکاتیا زانکۆیا زاخۆ ب هەموو ستافێ خوە و ب سەرۆکاتیا پ.هـ د. (لەزگین عەبدى جمیل) سەرۆکێ زانکۆیا زاخۆ گەرمترین پیرۆزباهى ئاراستەیى بەرێز (نێچیرڤان بارزانى) دکەت ب هەلکەفتا هەلبژاردنا وى بۆ سەرۆکاتیا هەرێما کوردستانێ، دیسان پیرۆزباهیێن گەرم و داخازا سەرکەڤتنێ بۆ بەرێز (مەسرور بارزانى) دکەت ب هەلکەفتا راسپاردنا جەنابێ وى ب  سەروکوزیرێن کوردستانێ. ئەم هەموو پێکڤە سۆزێ ددن ب هەموو شیانێن خوە ببینە پالدەر و پشتەڤان ژ ۆى بەردەوامیبوون و سەرکەڤتنێن هه‌وە. داخوازێ ژ خودایێ مەزن دکن د کارێ خوە یێ نويدا سەرکەڤتى بن.

وەکو دیار ل ٢٨-٥-٢٠١٩ نێچیرڤان بارزانى ل پەرلەمانێ کوردستانێ هات هەلبژاردن،پشتى بۆراندنا هژدە سالان د کارێ خوە یێ سەرۆکوەزیریێ دا. وەکو دیار بارزانى ژ سەرجەمێ (٨١) دەنگان شیا (٦٨) دەنگان دەستڤەبینت. ب ڤێ هەلکەڤتێ ل ڕۆژا دوشەمبێ (١٠) حوزەیرانێ سویندا یاسایى ل هولا (سەعەد عبدولا) هاتە خواندن. د ئه‌ڤێ ڕۆژێ دا کۆمەکا مەزن ژ کەسایەتى و نوینەرێن دەولەتێن جیهانى ل کوردستانێ ئامادەبوون.

هەروەسان بەرێز (مەسرور بارزانى) هاتە راسپاردن ژ بۆ پێک ئینانا کابینەیا نوى و پشتى شیایى (٧٨) دەنگان ژ سەرجەمێ (٩٧) پەرلەمانتارێن ئامادەبووى مسوگەر بکەت. هه‌ژييه‌ بێژين، كو پەرلەمانێ کوردستانێ ژ (١١١) پەرلەمانتاران پێکدهێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *