Skip to content
نووچه‌یه‌ك گه‌رم دناڤ كه‌نالێن ڕاگه‌هاندنێ و تورێن جڤاكى یێن پارێزگه‌ها دهۆكێ و هه‌رێما كوردستانێدا به‌لاڤه‌بوویه، كو دوو قوتابییێن كۆلیژا (ئیشق) ل دهۆكێ بناڤێ (عایشا عه‌بدوسلام و مه‌روا فه‌یسه‌ل) ڕێچاره‌یه‌كا نوى و مودرێن ژبۆ ئاشكه‌راكرنا په‌نجه‌شێرا سینگى دیتینه. ڕێچاره‌یا قوتابیێن كۆلیژا ئیشق برێكا پشكنینا خوینێیه و ب ئه‌ڤێ چه‌ندێ دیاردبیت، ئه‌رێ ئێشا په‌نجه‌شێرا سینگێ ل كه‌سه‌كێ په‌یدابوویه یان نه، هه‌لبه‌ت ئه‌ڤ ڕێیا هه‌نێ گه‌له‌ك ئاسان و كێم مه‌زاختییه و بۆ جارا ئێكێیه ل سه‌رانسه‌رى جیهانێ دهێته ڤه‌دیتن. هه‌روه‌سا هاتییه ڕاگه‌هاندن كو د ئاینده‌یدا ئه‌ڤ پرۆژه دێ لسه‌ر مالپه‌ره‌كێ هێته دانان و هه‌ر كه‌س ب ئاسانى دكارت بكاربهینت و كار لسه‌ر بكه‌ت.
جهێ ئاماژه‌پێدانیێه، كو پرۆژه‌یێ هه‌ر دوو قوتابییان ل ویلایه‌تا (تێكساس) ل ئولۆمپیاتا نێڤده‌وله‌تا جینیوس ل وه‌لاتێ ئه‌مریكا هاتییه وه‌رگرتن.
Post Views:
483
