ل ڕۆژا پێنجشه‌مبێ ڕێكه‌ڤتى (13/6/2019) لده‌مژمێر (9:00) سپێدێ، ب ئاماده‌بوونا به‌رێز (هێمن هه‌ورامى) جێگرێ سه‌رۆكێ په‌رله‌مانێ كوردستانێ و سه‌رۆكێن زانكۆیێن هه‌رێمێ و نوینه‌رێن داموده‌زگه‌هێن حكومى و كه‌رتێ تایبه‌ت و ڕێكخراوێن جڤاكێ مه‌ده‌نى و كه‌نالێن ڕاگه‌هاندنێ، هزرسازییا ئوپن ب هه‌ڤكارى دگه‌ل ده‌زگه‌هێ (كۆنراد ئادێناوه‌را) يێ ئه‌لمانى و زانكۆیا ئه‌مریكى یا كوردستانێ ل باژێرێ دهۆكێ شه‌شه‌مین دیبه‌یتا خۆ لژێر ناڤونیشانێ (چاره‌سه‌رى و ڤه‌گه‌ریان: ڕه‌وش و ئاینده‌یا ئێزیدى و كریستانان ل ئیراقێ) ل هۆلا كۆمبوونان ل زانكۆیا ئه‌مریكى یا كوردستانێ سازكرن.


د دیبه‌یتا ناڤهاتیدا چه‌ندین په‌نه‌لێن گرنگ ژلایێ په‌نه‌لیستێن پسپۆر و شاره‌زا د بوارێ ئاینێ ئێزیدى و كریستانان و مافێن مرۆڤیدا هاتنه‌ پێشكێشكرن، هه‌روه‌سا ڕێیه‌چاره‌یێن گونجایى ژبۆ چاوانییا ڤه‌گه‌راندنا ئاراوه‌ و په‌ناپه‌ران بۆ وار و مالێن وان هاتنه‌ پێشنیاركرن، پاشان ده‌رگه‌هێ دانوستاندنێ ب روویێ ئاماده‌بوویاندا هاته‌ ڤه‌كرن و ب دیتن و تێبینیێن وان شه‌شه‌مین دیبه‌یتێ ڕه‌وش و دیتنه‌ك دیتر بخۆڤه‌گرت.


لدووماهیێ جهێ ئاماژه‌پێدانیێه‌، كو به‌رێز (دلێر كه‌مال ئه‌حمه‌د) ڕێڤه‌به‌رێ نڤێسينێ ل مالپه‌رێ (خه‌ده‌نگ) ڤه‌خواندیێ فه‌رمیێ شه‌شه‌مین دیبه‌یتێ بوو، به‌رێزى ب هزر و بۆچوونێن خۆ پشكدارى د چه‌ندین په‌نه‌لێن دیبه‌یتێدا كر و ئه‌ڤ چه‌نده‌ ژى بۆ جهێ خۆشحالیا په‌نه‌لیست و ئاماده‌بوویێن دیبه‌تێ.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *