ڤەگۆهاستن ژ پیتێن لاتینى: خەدەنگ

وەرگەر و وەرگەراندن بەشێن ھەری سەرەکەیێن چاند و وێژەیا ھەر ملەتەکی نە. وەرگەراندن نە تەنێ گوھەستنا تەکستەکێ ژ زمانەکی بۆ زمانەکی دنە، لێ وەرگەر پرەکە شارستانی و زانستی ژی ب خوە رە ئاڤا دکە، ب تایبەتی ژ بۆ گەلێ کورد، وەرگەراندن یەک ژ ئەرکێن ھەری پێوست و گرینگە، کو ببە سەدەمەک ژ بۆ دەولەمەندبوونا زمان و وێژەیا کوردی ب گشتی.

وەرگەراندن شاھی و داوەتا زمانە و زەنگینی و دەولەمەندیەکە مەزن ددە ھەر زمانەکی. ب ریا وەرگەراندنێ، خوینەکە گەرم و نوو د لاشێ زمێن دە دگەرە و زمان نووژەن دبە و شارستانی، چاند و کولتوورێن دنیایێ بێتر نێزیکی ھەڤ دبن و د ناڤ ھەڤ دە دھەلن و دیمەنەکە گەردوونییا مرۆڤاتیێ پێک تینن.

تێ گۆتن کو ھن دەستھلاتدارێن رۆژھلات د دەمێن کەڤن دە، پرتووکێن وەرگەراندی دپیڤان و ل گۆر گرانیا وان زێر ددان وەرگێران.

وەرگەراندن ل بەر گوھاستنێ تەنێ ناسکنە، لێ بەرھەمێ ژ نوو ڤە دافرینە. نڤیسکارێ پۆرتوگالییێ ب ناڤوودەنگ ژۆسە سارامگۆ رۆل و گرینگیا وەرگەراندن و وەرگێران ژیا نڤیسکاران ب خوە ژی بلندتر دبینە و وھا دبێژە: “نڤیسکار ئەدەبیاتەکە نەتەوەیی دروست دکن، لێ بەلێ وەرگێر ئەدەبیاتا گەردوونی یان جیھانی دروست دکن.”

ژ بۆ گەلێ کورد و وێژە و ئەدەبیاتا کوردی، گرینگیا وەرگەرێ ھین بێترە. وەرگەر د قادا ئەدەبی دە، ل شۆرەشەکە زمانی و ھزری دچە، چمکی وەرگەراندن دکارە ئاسۆیێن نوو و دەریێن گرتی ل پێشیا روھێ کوردییێ ئاسێمایی و دۆرپێچکری ڤەکە.

مخابن کو وەرگەرا ژ زمانێ کوردی بۆ زمانێن دن یان ژ زمانێن دن ژ بۆ زمانێ کوردی پر کێمە و نە وەک کو تێ خوەستنە.

وەرگەر وەرگەراندنا فکر، رامان و ھزرانە، لەوما دڤێ کەسێ وەرگەرێ بکە یان ب زمانێ کوردی بنڤیسە، ب کوردی بفکرە. چمکی ل گۆر گەلەک پسپۆر و زمانزانان وەرگەراندن یەک ژ دیاردەیێن زمان ب خوەیە.

بێگومان وەرگەراندن وەک پرۆسەیەکە بەردەوام و تێکلداری ژیان و ئەدەبیاتا تەمامیا ملەتان، ھەروەھا وەک ھونەر و پیشەسازیەکە پرۆفەسیۆنەل کو پیڤان، پرەنسیب و بنگەھێن خوەیێن تایبەت ھەنە، ھەوجەداری ئالیکاری، پشتەڤانی و ئامادەکرنا ئاتمۆسفێرانە دا کو وەرگێرەکی کورد بھێلە وەک میناک کافکا، کوندەرا و شۆلۆخۆڤ شکەستن، ھێڤی، داخواز و خەونێن خوە ب کوردی بینن زمێن.

وەرگەر دکارە ببە فاکتۆرەک کو مرۆڤ و خوینەرێ کورد ب چاڤەکی کوردی ل دنیایێ بنەرە و بوویەر و پێشکەتنێن جیھانێ ب ھشەکی کوردی بپارزنینە.

ئنگلیز دبێژن وەرگێر خایینن، لێ بەلێ دبە کو باشترین خایینێن سەر روویێ دنیایێ وەرگێر بن. چمکی وەرگەراندن پرەکە و دڤێ ئەو پر زوو د ناڤبەرا ئەدەبیاتا کوردی ویا جیھانێ دە بێ سازکرن.

چاڤکانى: مالپەرێ رووداو

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *