ئامادەکرن: خەدەنگ

هەست کرن ب سترێس و ترسێ د هندەک دەمان دا دیاردەک ئاساییە، بۆ نموونە دەما گوتارەک بۆ کۆمەکا مرۆڤان دهێت خواندن، یان لێدوانەک بۆ کەنالەکێ ل پیشبەرى کامیرەکێ، یان ئێکەم ڕۆژا کارکرنێ ل سەر کارەک نووى، یان ژى هەڤدیتنەک د گەل کەسەک گرنگ. مەبەست ژ ڤان خالێن مە داین دیارکرن، چ ژ ڤان فۆبیایا جڤاکى نیین. ئەو کەسێن فۆبیا جڤاکى هەین، ل هەموو جهان و ل هەموو چاخان دخازن ژ هووسە و قەرەبالخا خەلکێ دوور بن و ژ پەیوەندیین جڤاکى ڤەدەر بن. فۆبیایا جڤاکى تێکچوونەک دەروونى دومدرێژە و کارتێکرن ل سەر کەسێ تووشبووى هەیە و دەستێ ل سەر ژیانا وى هەمووى دگرت و رەوشێ لێ ئالۆز دکت و نەشێت وەک کەسەک ئاسایی کار بکت و پەیوەندیێن جڤاکى گرێ بدت.

نیشانێن فۆبیایا جڤاکى:

-دوورکەفتن و ڤەدەربوونەک توند ژ جڤاکى و دەورووبەرا.

-ترسا ئاخفتنێ د گەل خەلکێ ژ دەرڤەى خێزانێ.

-سۆربوونا روویان و دەنگ شەرختین د ئاخفتنێ دا.

-خوهدان و داکەفتنا فشارا خوینێ ب دیتنا هندەک مرۆڤان.

-لەرزینا لێڤان یان دەستان د دەما ئاخفتنێ دا.

-هەست کرن، ب ئازارا ئاشکى (مەعیدەى) یان زکى.

-سەرگێژبوون و دلێدان.

-هەست کرن ب مێشک بەتالبوون و نەزانینێ، هندەک جارا ناڤێ خوە ژى ژ بیر دکن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *