ل ڕۆژا ئێكشه‌مبێ ڕێكه‌ڤتى (9/6/2019) لده‌مژمێر (11:00) سپێدێ، ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێزان ئه‌ندامێن جڤاتا زانكۆیێ پێشه‌وازییه‌كا گه‌رم ل شانده‌كێ بلند یێ زانكۆیا (فورات یا ناڤه‌راست یا ته‌كنیكى) كرن و كۆمبوونه‌ك گرنگ ل سه‌رۆكایه‌تییا زانكۆیێ ده‌رباره‌ى چه‌ندین بابه‌ت و مژارێن گرنگ لدارخستن. شاندێ زانكۆیا فورات یا ناڤه‌راست ژ به‌رێز پرۆفیسۆر دكتۆر (عه‌بدولكازم جه‌عفه‌ر ئه‌لیاسرى) سه‌رۆكێ زانكۆیێ و چه‌ندین ئه‌ندامێن دیتر یێن جڤاتا ئه‌وێ زانكۆیێ پێكهاتبوون. د كۆمبوونێدا ب ئاوایه‌كێ تێر و ته‌سه‌ل باسێ پرۆسێسا خواندنێ ل هه‌رێما كوردستانێ و ل وه‌لاتێ ئیراقێ ب گشتى هاته‌كرن، هه‌روه‌سا ڕێزدار دكتۆر (له‌زگین عه‌بدى جه‌میل) ب شێوه‌یه‌كێ تایبه‌ت باس ل زانكۆیا زاخۆ و قوتاغێن وارا و پێشكه‌ڤتنێ و ئیمزاكرنا چه‌ندین ڕێكه‌ڤتنامه‌یێن ناڤخۆیى و نێڤده‌وله‌تى كر، هه‌روه‌ها جێبجێكرنا (پرۆسێسا بۆلۆنا) ئێك ژ ته‌وه‌رێن گرنگ یێن كۆمبوونێ بوو و ژ چه‌ندین لایه‌نانڤه‌ باس ل قوناغێن كاركرن و پێشئێخستنا ئه‌وێ پرۆسێسێ هاته‌كرن، كو زانكۆیا زاخۆ ئێك ژ پێشه‌نگێن جێبجێكرنا ئه‌وێ پرۆسێسا پێشكه‌ڤتییه‌ ل سه‌رانسه‌رى هه‌رێما كوردستانێ. ب ئه‌ڤێ چه‌ندێ سه‌رۆكێ زانكۆیا فورات خۆشحالیا خۆ ب پێشكه‌ڤتن و ده‌ستكه‌ڤێن زانكۆیا زاخۆ ده‌ربرى و ئاماده‌ییا خۆ بۆ ئه‌نجامدانا چه‌ندین پرۆژه‌ییان دگه‌ل ستافێ زانكۆیێ ڕاگه‌هاند.
لدووماهییا كۆمبوونێ ڕێكه‌ڤتنامه‌یه‌كا لهه‌ڤگه‌هشتنێ دناڤبه‌را هه‌ر دوو زانكۆیاندا ب مه‌ره‌ما پێشئێخستنا ئاستێ زانست و زانینێ ل هه‌رێما كوردستان و ئیراقێ هاته‌ ئیمزاكرن، هه‌روه‌سا باس ل لێكگوهۆرینا ستافێ ئه‌كادیمى و ڤه‌كرنا خۆل و پرۆگرامێن تایبه‌ت و پێشئێخستنا شیانێن ماموستا و قوتابییان ژى هاتییه‌كرن و خوازتن د ئاینده‌یه‌كێ نێزیكدا ته‌ڤایا خالێن د ڕێكه‌ڤتنامه‌یێدا جهێ خۆ كرین بهێنه‌ جێبجێكرن، داكو هه‌ر دوو ئالى د پرۆسێسا پێشخستنا ئاستێ زانستیدا مفاداربن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *