Skip to content
ماموستا (بێكه‌س نورى عه‌بدال)
د ده‌مه‌كێ نێزیكدا دێ نویترین به‌رهه‌مێ نڤیسكار و موزیكژه‌نێ هێژا (بێكه‌س نورى عه‌بدال) كو تایبه‌ته ب (موزیك و سینه‌مایێ) ڤه كه‌ڤیته به‌رده‌ستێن خوانده‌ڤانان. هه‌ژییه بێژین، كو به‌رهه‌مێ ناڤهاتى د بنیاتدا نامه‌یه‌كا ماسته‌رێیه و هاتییه پێشكێشكرن بۆ جڤاتا كۆلیژا په‌روه‌ردێ ل پشكا موزیكێ ل زانكۆیا (یوزینجو یل) ل باژێرێ (وانێ) ل باكورێ كوردستانێ. به‌رهه‌مێ ناڤهاتى ب قه‌باره‌یێ ناڤنجییه و ژ چه‌ندین سه‌ره‌بات و مژارێن گرنگ پێكدهت و نڤیسكارێ په‌رتووكێ هه‌ولدایه ب ئاوایه‌كێ تێر و ته‌سه‌ل دیرۆكا په‌یدابوونا موزیكێ دگه‌ل سینه‌مایێ و گرنگییا موزیكێ بۆ فیلمان شرۆڤه بكه‌ت.
گرنگه بێژین، كو پێداچوونا زمانێ كوردى ژ لایێ به‌رێز (دلێر كه‌مال ئه‌حمه‌د) ڕێڤه‌به‌رێ نڤێسینێ ل مالپه‌رێ “خه‌ده‌نگ” بۆ په‌رتووكێ هاتییه‌كرن، هه‌روه‌سا دیزاینا به‌رگێ په‌رتووكێ ژلایێ به‌رێز (دژوار عیسا) هاتییه ئه‌نجامدان و كارێ دیزاینا ناڤه‌رۆكێ ژلایێ به‌رێز (ملله‌ت محه‌مه‌د) هاتییه‌كرن. لدووماهیێ ئه‌م ژى وه‌ك ستافێ مالپه‌رێ خه‌ده‌نگ پیرۆزباهیێ ل جه‌نابێ ماموستا (بێكه‌س نورى) دكه‌ن و به‌رهه‌مێ وى به‌رز ز بلند دنرخینن.
Post Views:
0