ئایار 28, 2019ئایار 28, 2019 ماموستایه‌كێ ده‌روونناسى به‌رهه‌مێ خۆ پێشكێشى مالپه‌رێ خه‌ده‌نگ كر لده‌مێ پێشكێشكرنا به‌رهه‌مى ب رێڤبه‌رێ نڤێسينێ په‌رتووكخانه‌يا تايبه‌ت يا نڤيسكار و ماموستا (نائيف عه‌لى ئيبۆ) د ڕوینشتنه‌ك تایبه‌ت دا ڕێزدار (نائیف عه‌لى ئیبۆ) نڤیسكار و ڕێڤه‌به‌رێ ڕێكخراوا (كه‌سكه‌سۆر) یا پێگڤه‌ژیانێ نویترین به‌رهه‌مێ خۆ یێ ده‌روونى پێشكێشى مالپه‌رێ (خه‌ده‌نگ) یێ ڕه‌وشه‌نبیرى كر، ل ڕێكه‌ڤتى (27/5/2019) به‌رێز (دلێر كه‌مال ئه‌حمه‌د) ڕێڤه‌به‌رێ نڤێسینێ ل مالپه‌رێ (خه‌ده‌نگ) یێ ڕه‌وشه‌نبیرى ڕوینشتن و دیداره‌ك ڤه‌كرى دگه‌ل نڤیسكار و ده‌روونناسێ هێژا (نائیف عه‌لى ئیبۆ) ئه‌نجامدا، د ڕوینشتنا خۆ دا ب ئاوایه‌كێ ڤه‌كرى باس ل مژارێن (ده‌روونى و ئه‌ده‌بى) كرن. هه‌روه‌ها ده‌روونناسێ هێژا ب تێر و ته‌سه‌لى باسێ دووماهیك به‌رهه‌مێ خۆ یێ ده‌روونى ئه‌وێ لژێر ناڤونیشانێ (الضغوتاط النفسية) كر، كو د بنیاتدا نامه‌یه‌كا ماسته‌رێیه و ژلایێ ده‌زگه‌هێ (الدار المعرفه الجامعه) ل وه‌لاتێ مسر هاتییه چاپكرن. گرنگه بێژین، كو به‌رێزى وه‌ك پشته‌ڤانى و هه‌ڤكارى ژ بۆ زانكۆیا زاخۆ و ب تایبه‌ت مالپه‌رێ (خه‌ده‌نگ) یێ ڕه‌وشه‌نبیرى ئاماده‌ییا خۆ بۆ پێشكێشكرنا سمینار و ووركشۆپێن تایبه‌ت لدور بابه‌تێن (سایكولۆژى) دناڤ كه‌مپێ تایبه‌ت یێ زانكۆیێدا ڕاگه‌هاند. لدوماهییێ فه‌ره بهێته گۆتن، كو ماموستا (نائیف عه‌لى) ئێك ژ كه‌سایه‌تیێن دیار یێن پارێزگه‌ها دهۆكێیه و خودانێ چه‌ندین كار و چالاكیێن جۆرییه. Post Views: 0 Category: داناسین, دەروونىTag: پشتهڤانىپهرتووكدهروونىديدارمالپهرێ خه‌ده‌نگ by Diler Ahmed
