قه‌درى محه‌مه‌دتاهر

ديدار: خه‌ده‌نگ

ئه‌ڤه‌ نێزیكى دوو سالانه‌ دناڤ كه‌مپێ زانكۆیا زاخۆ دا كوشكه‌ك بچویك بناڤێ (زانكۆ دیارى) هاتییه‌ ڤه‌كرن، ئه‌ڤێ كوشكێ خه‌مل و ڕه‌وشه‌ك دیتر ب زانكۆیێ و قوتابییان به‌خشییه‌ و ب دیاریێن خۆ یێن مودرێن و نازك كه‌نى و خۆشییه‌ك دیتر ب قوتابییاندایه‌. لدور ئه‌ڤى بابه‌تى (قه‌درى محه‌مه‌دتاهر) خودانێ كوشكێ ب دێمه‌كێ ڤه‌كرى و ب دله‌كێ خۆش ب ئاوایه‌كێ تایبه‌ت بۆ مالپه‌رێ (خه‌ده‌نگ) گۆت: گه‌له‌ك سوپاس ژ بۆ هه‌وه‌یێن به‌رێز و ئه‌ڤێ دیدارێ، براستى ئه‌م وه‌ك كوشكا زانكۆ دیارى خۆ شاناز و به‌خته‌وه‌ر دبینن، كو ژبۆ مالپه‌رێ خۆ (خه‌ده‌نگ) ب په‌یڤن، ژبه‌ركو ئه‌م ب مالپه‌رێ خۆ دزانن و ئاماده‌نه‌ سپۆنسه‌رییا گشت كار و چالاكیێن هه‌وه‌ یێن ڕێزدار بكه‌ن و ژبۆ هه‌ر تشته‌كێ ده‌رگه‌هێ مه‌ ل تاقه‌ و كوشك كوشكا وه‌یه‌.

ده‌رباره‌ى ئارمانجا ڤه‌كرنا كوشكێ دناڤ كه‌مپێ زانكۆیێدا به‌رێز (قه‌درى) گۆت: ئارمانجا مه‌ یا سه‌ره‌كى ژ ڤه‌كرنا ئه‌ڤێ كوشكێ پتر خزمه‌تكرنا قوتابییان و زانكۆیێیه‌، ژبه‌ركو د سه‌ره‌دمێ نوكه‌ دا و دناڤ ته‌ڤایا زانكۆیێن پشكه‌ڤتیدا كوشك و سه‌نته‌رێن وه‌ها هه‌نه‌ و ب كارێن خۆ جوانییه‌ك دیتر ب ژینگه‌ها زانكۆیێ دبه‌خشن.

خودانێ كوشكێ زێده‌تر گۆت: هه‌ر لده‌ستپێكێ و لده‌مێ مه‌ هزر د ئه‌ڤى كاریدا كرى و مه‌ دناڤ كه‌مپێ زانكۆیێدا كوشك ڤه‌كرى، ستافێ زانكۆیێ پشته‌ڤانییا مه‌ كر و خۆشحالییا خۆ ب ئه‌ڤى كارى ده‌ربرین، هه‌روه‌سا قوتابییان ژى ب هه‌مى ڕه‌نگ و شێوه‌یان هه‌ڤكارى ب مه‌ دان و ب هزر و دیتنێن خۆ یێن جوان كارێ مه‌ به‌ره‌ڤ پێشڤه‌برن. هه‌روه‌سا گرنگه‌ بێژم، كو مه‌ د ئه‌ڤان سالێن ده‌ربازبوویدا سپۆنسه‌ریا چه‌ندین كارێن كۆلیژ و فه‌كۆلتیان كرییه‌ و دێ ب به‌رده‌وامى سپۆنسه‌ریێ كه‌ن و بۆ هه‌ر هه‌لكه‌ڤت و ئاهه‌نگه‌كا قوتابییان ئاماده‌نه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *