دكتۆر نعمه‌تولا حامد نهێلى

د ده‌مه‌كێ نێزیكدا دێ نویترین به‌رهه‌مێ نڤیسكار و ماموستایێ زانكۆیا دهۆك ڕێزدار دكتۆر (نعمه‌تولا حامد نهێلى) كه‌ڤیته‌ به‌رده‌ستێ خوانده‌ڤانێن هێژا، به‌رهه‌مێ ماموستایێ زانكۆیێ په‌رتووكه‌كه‌ ژ حه‌فت ڤه‌كۆلینێن ڕه‌خنه‌یى ـ ئه‌كادیمى پێكدهێت. هه‌ژييه‌ بێژيت، كو دكتۆرى لسه‌ر لاپه‌رێ خۆ یێ تایبه‌ت ل تۆرا جڤاكییا فێسبۆكى ڕاگه‌هاندییه‌: ئه‌ڤ په‌رتووكه‌ به‌رهه‌مێ سال و نیڤێن خواندن، خه‌بات و ماندیبوونا منه‌. له‌ورا ب دله‌كێ مه‌زن پێشكێشكى خوانده‌ڤانێن مه‌قام بلند دكه‌م و دخوازم ببیته‌ جهێ مفا وه‌رگرتنێ.

ناڤه‌رۆكا په‌رتووكێ ژ ئه‌ڤان ڤه‌كۆلینێن لخوارێ دیاركرى پێكدهێت:

١- ڕەخنا ئەدەبی دناڤ ئەدەبیاتا کوردیدا. سەرھلدا، وەرار، ئاستەنگ.
٢- ڕەخنا ڕەوشتی (النقد الاخلاقی)، لایه‌نێ تیوری و پراكتیك لسه‌ر تێكستێن كوردی)
٣- ڕەخنا کارتێکرنێ/النقدالانتیباعی (لایه‌نێ تیوری و پراكتیك لسه‌ر تێكستێن كوردی)
٤- رِەخنا جڤاکی، (النقد الاجتماعی)، (لایەنێ تیوری و پراکتیک د تێکستێن چیروکێدا)
٥- رِەخنا فورمالستی، (النقد الشكلانی)، (شروڤەکرنەکا فورمالستی بۆ ھایکویا کوردی)
٦- مژداری – (الغموض) ، ل گەل نمونەیێن پراکتیکی د ھەلبەستا کورديدا.
٧- تیورا ئافراندنێ، (نظرية الخلق)،بنەمایێن تیوری و پراکتیک د ھەلبەستا کورديدا.

دكتۆر (نعمه‌تولا حامد) ل كۆليژا ئادابێ ل پشكا زمان و ئه‌ده‌بى كوردى ماموستايه‌، هه‌روه‌سا ئه‌ندامێ ده‌سته‌يا كارگێرى يا ئێكه‌تييا نڤێسه‌رێن كورد تايێ دهۆكێيه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *