ژێده‌ره‌كێ ژ جڤاتا وه‌زیران ل حكومه‌تا هه‌رێما كوردستانێ بۆ تورێن میدیایى ڕاگه‌هاند: د ده‌مێ نوكه‌ دا ناڤێن دوو هزار و پێنجسه‌د و بیست و شه‌ش قوتابیێن ئێكه‌م (ئێكه‌م، دووه‌م و سێیه‌م) یێن ل سه‌ر ئاستێ زانكۆ و په‌یمانگه‌هان ل جڤاتا وه‌زیرانن و چاڤه‌رێى بریارا دامه‌زراندنێنه‌. ئه‌وى ژێده‌رى زێده‌تر گۆت: بریارا دامه‌زراندنا سێیه‌كه‌مان دێ بۆ كابینه‌یا نوى یا حكومه‌تا هه‌رێما كوردستانێ بیت و لدویڤ پێدڤییاتییا وه‌زاره‌تان سێیه‌كه‌م دێ هێنه‌ دامه‌زراندن.

گرنگه‌ بێژین، كو ئه‌ڤه‌ سێ ساله‌ (2015ـ2016)، (2016ـ2017)، (2017ـ2018) هیچ بریاره‌ك بۆ قوتابیێن یه‌كه‌م یێن لسه‌ر ئاستێ زانكۆ و په‌یمانگه‌هان ده‌رنه‌چوویى، و چه‌ندین جاران ئه‌ڤان قوتابییان ل جهێن جوداجودا یێن هه‌رێما كوردستانێ خوه‌پێشاندان و نه‌ڕازیبوون ئه‌نجامداینه‌ و تێدا داخوازا دامه‌زراندنێ دكه‌ن و دبێژن، كو ئه‌ڤه‌ مافێ مه‌ یه‌ و پێدڤییه‌ ئه‌م ژى وه‌ك قوتابیێن سێیه‌كه‌م یێن سالێن ده‌ربازبوویى بهێنه‌ دامه‌زراندن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *