وه‌زاره‌تا گه‌هاندنێ یا حكومه‌تا ئیراقێ ب ئاوایه‌كێ تایبه‌ت ژبۆ كه‌نالێن ڕاگه‌هاندنێ ئه‌ڤ داخویانییا لژێرى دیاركرى ڕاگه‌هاندییه: مه ب هه‌ڤكارى دگه‌ل حكومه‌تا وه‌لاتێ فه‌ره‌نسایێ دوو پرۆژه هه‌نه، ئێك: پرۆژه‌یێ هه‌یڤا ده‌ستكرد یا وه‌لاتێ ئیراقێ. دوو: ئاژانسا ئاسمانى یا وه‌لاتێ ئیراقێ.
ئه‌میر به‌یاتى نوینه‌ر و وه‌كیلێ كه‌ڤنار بۆ كاروبارێن ته‌كنیكى ل وه‌زاره‌تا گه‌هاندنێ ل حكومه‌تا ناڤه‌ندى ڕاگه‌هاند: كو وان هه‌ڤكار و هه‌ماهه‌نگییه‌ك هه‌ره باش دگه‌ل حكومه‌تا فه‌ره‌نسا كرییه و قه‌ره‌ك ژى ژ ئه‌وان وه‌رگرتییه ب مه‌ره‌ما كاركرنه‌ك باش و ب سه‌رئێخستنا هه‌ر دوو پرۆژه‌یان، هه‌روه‌سا دیاركر كو كار دێ برێكا كۆمپانییا (ئێریاس) یا فه‌ره‌نسى كو تایبه‌ته ب چێكرنا هه‌یڤێن ده‌ستكردڤه هێته‌كرن.
به‌یاتى باس ل ئارمانجێن كارى ژى كرن و گۆت: ئارمانجا مه یا سه‌ره‌كى ژ چێكرنا ئه‌ڤان هه‌ر دوو پرۆژه‌یان خزمه‌تكرنه بۆ گه‌لێ ئیراقێ ب ئاوایه‌كێ گشتى و ب خودان ده‌ركه‌ڤتنه ل بیاڤێن ئێمناهى، كاروبارێن سه‌ربازى، ئابۆرى، چاند و پێشه‌سازیێ.