به‌رگێ ڕۆمانا “دواهه‌مین هه‌نارى دونیا” ب زمانێ فه‌ره‌نسى

د ده‌مێ نوكه‌ دا نووچه‌یێ وه‌رگێرانا ڕۆمانا (دواهه‌مین هه‌نارى دونیا) یا نڤیسكار و ڕۆماننڤێسێ كورد (به‌ختیار عه‌لى) ژبۆ زمانێ فه‌ره‌نسى تورێن جڤاكى یێن هه‌رێما كوردستانێ و مالپه‌رێن فه‌رمى یێن نووچه‌یان داگیركرییه‌ و خوانده‌ڤانێن ڕۆماننڤێسێ ناڤهاتى ب ئه‌ڤى نووچه‌یى خۆشحالیا خۆ دیاركرینه‌ و ب ڕه‌نگ و ڕێكێن جودا پیرۆزباهییا ڕۆماننڤێسى و خوانده‌ڤانێن فه‌ره‌نسى دكه‌ن.

د ئه‌ڤێ ده‌رباره‌یێدا په‌یجێ فه‌رمیێ ڕۆماننڤێس (به‌ختيار عه‌لى) ئه‌و لژێر ناونیشانێ (Bachtyar Ali) ئه‌ڤ نووچه‌یه‌ پشتراست كرییه‌ و وه‌ها ڕاگه‌هاندییه‌: د ئاینده‌یه‌كێ نێزیكدا دێ ڕۆمانا (دواهەمین هەناری دونیا) ژلایێ ده‌زگه‌هێ “میتالى” یێ چاپ و به‌لاڤه‌كرنێ ل باژێرێ “پاریس” پایته‌ختێ وه‌لاتێ “فه‌ره‌نسا” د ڕێوره‌سمه‌كێ ڕۆژنامه‌ڤانى یێ تایبه‌تدا و ب ئاماده‌بوونا ڕۆماننڤێسى هێته‌ ئیمزا و به‌لاڤه‌كرن.

ڕۆمانا “دواهه‌مین هه‌نارى دونیا” ژلایێ خانم (ساندرینا ترایدیایه‌) بۆ سه‌ر زمانێ فه‌ره‌نسى هاتییه‌ وه‌رگێران، هه‌روه‌سا به‌رى نوكه‌ هه‌مان ڕۆمان و چه‌ندین ڕۆمانێن دیتر یێن ڕۆماننڤێسى بۆ سه‌ر زمانێن (ئەلمانی، ئیتالی، عەرەبی، فارسی و دیالێكتا كورمانجی یا زمانێ كوردى)هاتینه‌ وه‌رگێران.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *