ئامادەکرن: خەدەنگ

سێڤ وەک گەنجینەیا فیتامینان دهێت هژمارتن، ژ بۆ کەسێن وەرزشڤان گرنگیەک بێ هەمپا هەیە. (٦٠٠٠) جۆرێن سێڤان ل جیهانێ هەنە و ژ وان فێقیانە ژ هەموو جۆرێن دى پتر دهێت چاندن و بەرهەم ئینان. دیرۆکا وێ ب درۆستى ناهێت زانین، لێ هەر ژ کەڤن دا هەتا ڕۆژا مە یا ئەڤرۆ وەک سیمبۆلا جوانى، دەلالى و رندیێ دهێت قەبولکرن. گەلەک ستران، چیرۆک و چیڤانۆک ب سیڤێ هاتینە گۆتن. د شارستانیەتێن کەڤنار دا، گەر میرەکێ خوەستبا کچا خوە زەوجاندبا، وێ کچێ سێڤەک دهاڤێت، هەر زەلامێ ئەو سێڤ ڤەگرتبا، ئەو کچ دبوو هەڤژینا وى. د ناڤ کوردان ژى دا سێڤ موتیفا جوانى و دەلالیێ یە، و د ستران و کلامێن کوردى دا ژ کچ ب جوانى و رندیا سیڤێ هاتینە سالۆخدان.

هەر ژ کەڤن دا، سیڤ بۆ خارن، خوشاڤ، دەرمان و ئەلکحولێ دهات بکارئینان. وەلاتێ سێڤان ئاسیایە و ژ ئاسیا بەلاڤی جیهانێ بوویە.

کەسێ ڕۆژێ سێڤەکێ بخۆت، ئەو دێ کێم نەخوەش بت, یێ بکت دو پێدڤى ب نۆژدارا نابت. مرۆڤێن تەندرۆستیا وان باش بت، دشێن ڕۆژێ سێ سێڤان بخۆن. ئاڤا سێڤێ وەک خوینێ ب قیمەتە، کەسێ هەشت حەفتیان هەر ڕۆژ شەش سێڤان بخۆت، ژ دوهنێ د ناڤ خوینێ دا و کوروسترولاتا قورتال دبت. خوینا وى پاقژ دبت. سێڤن زەر و کەسک، ژ سێڤێن سۆر سودمەندترن. هەر سیڤەک کەسک بەرامبەرى دو سێڤێن سۆرن.

سێڤ زێهنا زارۆکێن دچن قۆتابخانێ بهێز دکت. ژنێن دکەڤن نەخوەشیێن بهێنتەنگیا گیانى گەر ڕۆژی چار سێڤان بخۆن، ژ وێ نەخوەشیێ ب رێژا ٤٠% قورتال دبن.

مفایێن سیڤێ:

-زێهنێ ڤەدکت.

-خوینێ پاقژ دکت.

-بەرخوەدانا بەدەنێ بهێز دکت.

-تێهنیبوونێ دشکێنت.

-قەلەوان زەعیف دکت.

-دلبوورینا ژنێن دوگیان ژ ناڤ دبت.

-شەکرا د ناڤ خوینێ دا کیم دکت.

-ل هەمبەر پەنجەشیرا مێلاکێ، ریڤیکێن ستویر، قەفەسا سینگى خودان کارتێکرنەک مەزنە.

-خوینێ چێدکت.

-سیستەما خوەراگریێ بهێز دکت.

-ددانا پاقژ دکت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *