ئامادەکرن: خەدەنگ

کورتە چیرۆک ژانەرەک ئەدەبێ داستانى یە, فۆرمەکی ئەدەبى یێ بچۆکە, بەرهەمەک ڤەگێرانکى یە, ژ چەند لاپەران پێک دهێت. هژمارا کەسایەتیا تێدا کێمن و روویدان ژى د کورتن. کورتەچیرۆک ب سالوخدانا رویدانەکێ را دبت. ئێک هەتا دو روویدانێن سەرەکى هەنە. واتایا ئەوێ ل سەر بنیاتێ ئێکەتیا جهى و روویدانێ پەیدا دبت, د کورتە چیرۆکێ دا ئێک جهـ یانژى چەند جهێن دەستنیشانکرى هەنە. بەهراپتر کورتەچیرۆک جەختێ ل سەر ئێک کەس, د ێک هەلویست و ئێم دەم دا دکت. تایبەتمەندیا سەرەکیا کورتە چیرۆکێ ئەوە, کو تێدا ئێک هەتا دو رویدان بۆ خاندەڤانى دهێن وێنە کرن. دیسا قەهرەمان بێ وەرارکرن دهێتە پیشکێش کرن. هەژمارا کەسان د کورتە چیڕۆکێ دا دکێمن. پتریا جاران دوو کەس هندەک جاران کەسێن نەسەرەکی ژى تیدا هەنە. ئارمانجا کەسایەتیێن نەسەرەکى د کورتە چیرۆکێ دا دامەزراندنا پاشخانەیەکێ یە, بۆ هاریکاریا قەهرەمانێ سەرەکى.

ئەڤ ژانرێ ئەدەبى د ئەدەبێ جیهانى دا د سەدسالا (١٩-٢٠) دە سەردەستێن چەند چیڕۆکنڤیسێن مەزن سەرهلدایە وەکى ٠ئالان ئادگار پوو) یێ ئەمریکى و (ئەنتوان چیخوفێ) رۆسى و (موپاسانێ) فرەنسى.

    کورتەچیرۆکا کوردى بۆ یەکەم جار, سالا (١٩١٩) ژ لایێ (فوئادێ تەمو) ڤە د کوڤارا (ڕۆژی کورد) دە ل ژێر ناڤ و نیشانێ (شەویش) هاتیە وەشاندن. کو ب ڤى ئاواى فوئادێ تەمو وەک یەکەم ،ڤیسکارێ کورتەچیرۆکێ دهێت هژمارتن. ل گۆر بۆچوونا ئەڤ چیرۆک هێژ ب دوماهیک نەهاتیە ئانکو بەشەک وێ هێژ مایە و بەلاڤ نەبوویە.

چاڤکانى:

عەبدى حاجى, تیۆرا ئەدەبى, ژ وەشانێن دەزگەهێ نالبەند, دهوک, ٢٠١٨, ر. ١٠٦, ١٠٨.

  کوفارا وێژە و رەخنە, ر. ٢٤.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *