جه‌گه‌ر كه‌مال
جـەگـەر کـەمـال
قوتابی ل زانکۆیا زاخۆ/ پشکا زمانێ تورکی
ژ دیاردێن ل دەمێ تاقیکرنان دا ل دەڤ شاگردان پەیدادبیت ترس و دوودلی یە و پرانیا قوتابیان ژی ل وەختێ ئەزموونان دا ئەڤ دیاردە ل دەڤ پەیدادبیت و گۆمان تێدا نینە ژی کۆ ڤێ دیاردێ کارتێکرنەکا راستەوخۆ ل سەر دەرونێ قوتابی هەیە لەوما دڤێت قوتابی خۆ ژ ڤێ دیاردا ترس و دوودلیێ بپارێزیت و ب چو شێوەکێ ترس و دوودلیێ ل دەڤ خۆ پەیدانەکەت ، ب تایبەتی ل دەمێ ئەزموونان دا ب ئێکجار نابیت قوتابی ترس و قەلەقێ ل دەڤ خۆ پەیدابکەت ژبەرکۆ وەکی بەری نۆکە ژی مە ئاماژەپێکری دوودلی و ترسێ کارتێکڕنەکا ئێکسەر ل سەر دەرونێ مرۆڤی هەیە و دبیتە رێگر و ناهێلیت مرۆڤ سەرکەفتنێ دکارێ خۆ دا بینیت ، دوودلی دبیتە ئەگەر هندێ کارتێکرن ل دەرونێ شاگردەیی ببیت و شاگردە ل وەختێ ئەزموونێ دا نەشێت بەرسڤا فەر و پێدڤی ب شێوەکێ باش بدەت لەورا نابیت قوتابی قەلەق و ترسێ ل دەڤ خۆ پەیدا بکەت و دڤێت هەردەم ژ وان کەسان بیت یێن گەشبین دا کو کارتێکرن ل دەرونێ وی نەبیت و مێشکێ وی یێ ئارام بیت و بشێت بەرسڤا خۆ ب شێوەکێ پێدڤی و باش بدەت و نمرەکا بلند و باش ب دەستخۆڤەبینیت ، و ب سەرکەفیت بەرۆڤاژی ڤێ ژی هەکە قوتابی ژ وان کەسان بیت یێن رەشبین و هەردەم ترس و قەلەق ژ ئەزموونان ل دەڤ هەبیت ئەو قوتابی نەشێت ب شێوەکێ سەرکەفتیانە بەرسڤا تاقیکرنا خو بدەت و دێ یێ زەرەرمەند هەر ئەو بخوبیت ، لەورا فێرخازێ هێژا چو جارا دوودلیێ و ترسێ ل دەڤ خۆ پەیدانەکە و یێ گەشبین بە و بلا تە باوەری ب شیانێن خۆ هەبیت و ل جهێ تۆ بێژی ئەز ل ئەزموونان دا سەرناکەفم ببێژە من شیان یێن هەین و دێ ب سەرکەفم و دێ ب باشترین شێوە شێم بەرسڤا پسیارێن ئەزموونێن خۆ دەم ، شاگردێ خۆشتڤی ئەو خاندنا تە خاندی و ماندی بوونا تە بری گۆمان تێدا نینە ب هەروە ناچیت و دێ بەرهەمێ ماندی بوونا خۆ وەرگری، لەورا دەمێ تو دچیە دهولا ئەزموونان ڤە نەترسە و ناڤێ خودێ بینە و دەست ب بەرسڤدانا پسیارا بکە ،لێ یا فەرو پێدڤی یە بەری تو دەست ب بەرسڤدانا پسیارا بکەی تو ڤان خالان ژی بەرچاڤ وەربگری :
1ـ دەستپێکێ پێزانین خویێن پێدڤی ل سەر دەفتەرا ئەزموونکرنی بنڤیسە .
2ـ هزرا خۆ باش دپسیارا دا بکە و لەزێ ل زوی بەرسڤدانا پسیارا دا نەکە .
3ـ بلا هەردەم تە باوەری بخو هەبیت و ژ پسیارا نەترسە .
4 ـ بەری تو بەرسڤێ بدەی پسیارێ باش بخوینە دا کۆ نەکەڤیە د شاشیان دا .
5 ـ دەستپێکێ بەرسڤێ ل سەر وان پیسیارا بدە یێن تو دزانی و بۆ تە بساناهی دا کۆ وەختێ تە هەمی ب پسیارێن زەحمەت ڤە نەچیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *