نە ئارامى سەرناڤێ ڕۆمانا ڕۆماننڤیسەک ترکە ب ناڤێ (زولفو لیڤانەلى) کو ژ لایێ (وەلید ئەحمەدى) ڤە بۆ سەر زمانێ کورد هاتیە وەرگێران و  دێ ل ڤامن نیزیکان ژ چاپێ دەرکەڤت و کەڤت بەر دەستێ خوەندەڤانان.

چیڕۆکا ڤێ ڕۆمانێ ل سەر ڕۆژنامەڤانەکێ یە ب ناڤێ ئیبراهیم، کو ل ئیستەمبولێ دژیت، پشتی دزانیت هەڤالێ وی یێ گەنجاتیێ حسێن هاتیە كۆشتن بریارێ ددەت بچیتە باژێری وی مێردینێ. ل وێرێ بو دیار دبیت كو هەڤالێ وی ژ لایێ داعشان ڤە هاتیە برینداركرن و پشتی بریە ئەمریكا ژلایێ توندرەوێن دوژمنێن ئیسلامێ دهێتە كۆشتن. ئیبراهیم لدویڤ چیرۆكا حسینێ هەڤالێ خوە دچیت و بۆ دیار دبیت كو عاشقێ كچەكا ئێزدی بوویە ل كەمپا ئاوارا بناڤێ (مەلەكناز) و پشتی بریارێ ددەت بخازیت چەكدارێن داعش بریندار دكەن . ئیبراهیم دخازیت چیرۆكا حسێن و مەلەكنازێ بزانیت لەوما لدویڤ دچیت ل كەمپێ هندەك تشتێن بالكێش لسەر وان و ئاینێ ئێزدیا دزانیت و لدویڤ مەلەكنازی دچیتە ئیستەمبول و چەند جارا دچیتە دیدارا وێ تاكو ئەوژی لێ عاشق دبیت. سیمێ سەرەكی یێ رومانێ دڤێت بال بكێشتە سەر دیاردەكا روژهەلاتا ناڤین ژ دەست دنالیت،ئەوژی خوەکۆشتنە. نڤێسەر روژهلاتا ناڤین ب. حێشترەكا ل بیابانێ د شوبهینیت كو وەكی دیار حێشتر ل بیابانێ حەز ژ ستریەكێ دكەت بناڤێ (حارەسە) كو هندی دخوت خوین ژدەڤی دهێت و هندی خوین دهێت هەر دخوت خوین ستری خوشیەكا پتر بو حێشتری دروست دكەن گەر رێ لێ نەهێت گرتن دبت بمريت. روژهلاتا ناڤین ژی مینا وێ حێشتەڕێ یە هندی خوینێ دڕێژیت نزانیت خوینا خو دڕێژیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *