وەرگێڕان: سەربەست تەها سەلام

۱- کەسێن شارەزا و بیرمەند، هێدی هێدی د ئاخڤن و بلەز هزرا خوە دکەن.

۲- هەر کەسێ یاریا دگەل من بکەت؛ ئەو دوژمنێ منە. وهەر کەسێ گلە وگازاندا ژ من بکەت؛ ئەو مامۆستایێ منە.

۳- خواندنا بێی هزرکرن وەکی وێ خوارنێ یە؛ یا کۆ نەهێتە حەلکرن.

٤- ئاڤاهییەکێ بچویکێ تژی کەیف و بەختەوەری، باشترە ژ كۆچکەکا مەزنا تژی ڕۆندک و خەم.

٥- حەژێکرنا مرۆڤان بێی رێزگرتن، هەر وەکی وان گیانەوەرێن تو حەژێ دکەی. و دەمێ خوارنەکێ بدەیێ بێی حەژێکرن، هەر وەکی وان گیانەوەرەێن کێم و بێ بها ل دەف تە.

٦- هەمی هێکا پێکڤە نەکە د ئێک ئاماندا .

۷- هێزترین هێزا دەریایێ، هێزا ڕۆندکێن ئافرەتێیە.

٨- بێهنا گولێ ژ وی دەستی دهێت، ئەو دەستێ گولان پێشکێشی خەلکێ دکەت.

۹- ل شوینا تو ماسییا بدەی هەژارەکی، شۆکا ماسییا گرتنێ بدە وی.

۱۰- کا چەوا ئاڤا ڕویباران دزڤریتەڤە بۆ دەریایێ، وەسا تو چ خێر بکەی، دێ ئەو خێر بۆ تە زڤریتەڤە. ۱۱- ئەو مالا مریشك ب ڕۆلێ دیکلی ڕادبیت، دێ ئەو مالە بەرەڤ ئاقارەکێ خرابڤە چیت.

۱۲- ئەگەر تە حەز ژ کەسەکی کر، هەرە بێژێ ئەز حەز ژ تە دکەم، ئەگەر حەژێکرنا تە یا ڕاست بیت، دەمێ ئەو سەحدکەتە ناڤچاڤێن تە دێ زانیت.

۱۳- دەمێ تە جارەکێ هەولدا و تو ب سەر نەکەڤتی، تو ژ وێ هەولدانێ خوسارەت نابی، هەر زوی ڕابەڤە سەر پیێن خوە و پێشبینییا ئەنجامێن باش بکە.

۱٤- ئەو کەسێ نزانیت بگڕنژیت، دڤیت ئەو چ فرۆشگەها ڤەنەکەت.

۱٥- کورێ خوە وەسا فێربکە؛ ل ژورا ڕوینشتنا مێهڤانا ب ڕوینیتە خوار. و هەڤژینا خوە وەسا فێربکە ل سەر شەملکێ روینیت.

۱٦- ئەگەر گوهداریکرن نە یا باش بیت، بێگۆمان بەرسڤ ژی دێ د نەباش بن.

۱۷- مێش نا چیتە د دەڤەکێ گرتیدا .

۱۸- درەوا چ پێ نینن، بەلێ هەتکبەریێ چەنگ یێن هەین.

۱۹- چ کانیا نەشێلینە، دبیت ڕۆژەکێ تو پێدڤیببی ئاڤێ ژێ ڤەخوی.

۲۰- مەعریفەت و زانین گەنجینەیەکە دگەل مرۆڤی بۆ هەر جهێ مرۆڤ بچیتێ.

۲۱- هەمی گەنجینەیێن جیهانێ نا هێنە هەمبەر ژنەکا چاك.

۲۲- هشیاربە ژ شاخێن گای و لیتکێن هێسترێ و گڕنژینا هندەک مرۆڤان.

۲۳- هەڤالینییێ ژ بەر هندەک ئەگەرێن بچویک دگەل هەڤالێن خوە تێکنەدە، هەڤالینی تاجەکا پیرۆزە ل سەرێ مرۆڤان، بەلێ ئەو کەس بهایێ هەڤالینیێ دزانن یێن خودان دلەکێ پاك.

۲٤- جوانیا باڵندەی یا د پەرێن ویدا، لێ جوانیا زەڵامی یا د ڕەفتار و ڕەوشتێ ویدا.

۲٥- مرۆڤێ بهێز ئاستەنگێن مەزن دەرباس دکەت، لێ مرۆڤێ ژیرمەد ڕێکێن درێژ کورت دکەت.

۲٦- هەڤالێن بێی کێماسی نینن، ئەگەر بەرێ تە ل کێم و کاسییێن هەڤالێن تە بیت، دێ مینی بێی هەڤال.

۲۷- خەموکی یا د وی دەرگەهی ڕا هاتی، ئەوێ کۆ بەری نوکە تە ب دەستێن خوە ڤەکری‌.

۲۸- چ ئاریشە د بێی چارەسەری نینن، بەلێ چارەیێن نەدروست ژی یێن هەین.

۲۹- شارەزایی ژیانا مرۆڤی خوەش ناکەت، هەتا میێن سپی نە ئێخیتە سەری مرۆڤی.

۳۰- دەمێ تو سەحدکەیە تشتەکی بلا بەرێ تە ل لایەنێ ئەرێنی بیت، ئەگەر تە چ تشتێن ئەرێنی ژی نەدیتن، هزرێن خوە باش بکە، دا کۆ ڕێکەکا ئەرێنی ببینی.

۳۱- ئەگەر قەدەر وەسا هاتبیتە نڤیسین کۆ تو و کەسەك جارەکادی بگەهنە ئێک، نە کاودانێن سەخت و نەژی دویراتی نەشێن ببنە ڕێگر و ئاستەنگ کۆ وێ هێلا دناڤبەرا هەوە دا ب پچینیت. ۳۲- هەر ڕویدانەك، د دەمێ خوەدا ڕویددەت.

۳۳- ئەو گەشتا ب هزار میلان دبڕی، یا ژ بڕینا پێنگاڤا ئێکێ دەست پێکری.

۳٤- ئەو تشتێ سەدەهان ساڵ بۆرین هەتا دروست بوی، تو دشێ د ئێک دەمژمێردا خراب بکەی. ۳٥- مامۆستایێ باش، دێ دەرگەهێ زانستی بۆ تە ڤەکەت، بەلێ یا ل سەر تە پێدڤی تو بخوە بچی د ژۆرڤە.

۳٦- ڕویبارێن مەزن، د بێ دەنگن. مرۆڤێن ژیرمەند ژی دەنگێ خوە بلند ناکەن.

۳۷- ئەگەر تە ئاخڤتنەك گۆت من، بەلکی ئەز دێ باوەرکەم، ئەگەر تە ئاخڤتنا خوە دووبارەکر، دێ گۆمان بۆ من ژ ئاخفتنا تە چێبیت، ئەگەر تو ڕژدبووی ل سەر ئاخفتنا خوە، بێ دودلی دێ بێژم تو درەوا دکەی.

۳۸- هنگڤین ل سەر لێڤان دیار دکەت، کەرب وکین ژی یا د دلاندا. ۳۹- چ تشت بۆ مرۆڤێن خوەڕاگر مەحال نینن.

٤۰- باشترین دەم بۆ چاندنا دارێ بەری ۲۰ ساڵا بوو، دووەمین باشترین دەم بۆ چاندنا دارێ نوکەیە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *