ئامادەکرن: بەیار شەفیق

۱- ژ لایێ چاوانییا لڤاندنا داوایێ ڤە:

– داوایا سزایی دهێتە لڤاندن برێکا شکایێتێ یان ب زاره‌كى یان ب نڤێسین.
– داوایا شارستانی ناهێتە بلندکرن بتنێ برێکا نڤێسینا ئەرزوحالەکێ.

۲- ژ لایێ پێشکێشکرنا داوایێ :

– داوایا سزایی دهێتە پێشکێشکرن بۆ دادوەرێ لێکۆلینێ یان تویژەری یان هەر ئەندامەکێ “ضبط القضائي” یان برێکا ئاگەهدارکرنا داواکارێ گشتی.
– داوایا شارستانی بتنێ دهێتە پشکێشکرن بۆ دادوەری.

۳- ژلایێ وان کەسانێن کو بۆ هەبیت داوایێ بکەن:

– داوایا سزایی کەسێ تاوان لسەر هاتییەکرن، یان زیان گەهشتیێ ژ ئەنجامێ تاوانێ یان هەر کەسێ پێزانین هەبن کو تاوان یا هاتییە ڕویدان دشێت ئاگەهداریا جهێن پەیوەندیدار بکەت و داوایێ بکەت و زێدەباری داواکارێ گشتی.
– داوایا شارستانی بۆ چ کەسا نینە داوایێ بکەت بتنێ خودان ماف تێ نەبیت.

٤- ژلایێ دادگەها تایبەتمەند بۆ بەرێخوەدانا داوایێ:

– داوایا سزایی ناهیتە بلندکرن بتنێ ل بەرامبەر دادگەها سزایی نەبیت.
ـ داوایا شارستانی دبیت ل بەرامبەر دادگەها شارستانی بهێتەکرن، هەروەسا دبیت ل بەرامبەر دادگەها سزایی ژی بهێتەکرن ئەگەر سەر ب داوایا سزایی ڤەبیت وەك ئاسانکاری د ئیجرائاتادا.

٥- ژلایێ مافێ گشتی و مافێ تایبەت د داوایێدا:

– داوایا سزایی هەم مافێ گشتی و هەم مافێ تایبەت تێدایە، مافێ گشتی بەرژەوەندیا گشتی یە و مافێ تایبەت داخوازکرنا قەرەبویێ یە.
ـ داوایا شارستانی مافێ گشتی تێدا نینە تنێ مافێ تایبەتە داخوازا قەرەبوکرنێ یە.

٦- ژلایێ پلەیا دوماهییێ حوکم یان بریار دەردکەڤیت د داوایێدا:

ـ ئەو حوکمێ ژ ئەنجامێ داوایا سزایی دەردکەڤیت ئەگەر پلەیا دوماهییێ وەرگرت دبێژنێ حوکمی پلەیا بات یا وەرگرتی.
ـ ئەو بریارا دەردکەڤیت ژ ئەنجامێ داوایا شارستانی ئەگەر پلا دوماهییێ وەرگرت دبێژن بریارێ پلەیا قگعی یا وەرگرتی.

۷- ژلایێ ئەنجامێ داوایێ ڤە:

ـ ئەنجامێ داوایا سزایی دەرئێخستنا حوکمی یە.
ـ ئەنجامێ داوایا شارستانی دەرئێخستنا بریارێ یە.

۸- ژلایێ لایەنێن داوایێ:
– داوایا سزایی لایەنێن وێ ئەو کەسێ سکاڵایێ دکەت و تومەتبار “گونەهبار” یان جینایەتکار. “مشتكی” و “متهم”.
ـ داوایا شارستانی لایەنێن وی ئەو کەسێ داوایێ دکەت و ئەو کەسێ داوا ل سەر دهێتە تومارکرن “مدعی” و “مدعی علیه”.

۹- ژلایێ ئیعتراف و ئیقرارێ د داوایێدا:

– د داوایا سزاییدا ئەگەر تاوانباری دانپێدان کر ب تاوانێ دبێژنێ دانپێدان “اعتراف”.
ـ د داوایا شارستانیدا ئەگەر ئەو کەسێ داوا ل سەر “مدعی علیه” دانپێدان ب مافێ وی کەسی کر ئەوێ داوا لێکری “مدعی” دبێژنێ “اقرار”.

۱۰- ژلایێ ئەو یاسایێن پێڤی د داوایێدا دهێنە جهبجهکرن:

– داوایا سزایی ئەو یاسایێن تێدا دهێنە جهبجهکرن بریتی نە ژ “قانون عقوبات، قانون اصول المحاكمات الجزائیه‌” و یاسایێن تایبەت وەکی یاسایێن چەکی و خراب بکارئینانا ئامیرێن پەیوەندی کرنێ و توندو تیژیا خێزانی و یاسایا مرورێ هتد…
ـ داوایا شارشتانی ئەو یاسایێن پێتڤی تێدا دهێنە جهبجهکرن بریتی نە ژ “قانون مرافعات، قانون ٳپبات” یاسایێن تایبەت وەکی “قانون استملاك” و “تسجیل عقاری” هتد…

۱۱- ژلایێ دانیشتنێن داوایێ ڤە:

ـ د داوایا سزاییدا دبێژنە ڕوینشتنێن دادگەهی دانیشتنی محاکمە.
ـ د داوایا شارستانیدا دبێژنە ڕوینشتنێن دادگەهێ دانیشتنی مرافعە.

۱۲- ژلایێ ڕاسپاردن “انتداب” کرنا پارێزەری:

ـ د داوایا سزاییدا دبیت پارێزەر بهێتە انتداب کرن ژ لایێ دادگەهێ ڤە، یان ببیتە وەکیل ل دویف وەکالەتێ.
ـ د داوایا شارستانیدا انتداب کرنا پارێزەری نینە، بەس دشێن پارێزەری بکەنە وەکیل ل دویف وەکالەتێ.

۱۳- ئامادەبوونا پارێزەری د داوایێدا ژلایێ وجوب و جواز ڤە:

– د داوایا سزاییدا ئامادەبوونا پارێزەری بۆ بەرەڤانیکرن ژ تاوانباری وجوبیە.
ـ د داوایا شارستانی دا ئامادەبوونا پارێزەری جوازییە بۆ هەردوو لایەنا؛ ئەگەر پارێزەری بگرن و یان نەگرن، یان ئەو بخوە داخوازا مافێن خوە بکەن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *