لژێر چاڤدێریا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ، مالپه‌رێ (خه‌ده‌نگ) یێ ڕه‌وشه‌نبیرى یێ سه‌ر ب ڕێڤه‌به‌ریا سه‌نته‌رێ ته‌كنۆلۆژیا زانیارى و ئامارێ ICT، ئێكه‌مین چالاكییا خۆ ب نمایشكرنا شانووگه‌ریا (مه‌مێ ئالا) ئه‌وا ژلایێ نڤیسكارێ كورد (عه‌بدولره‌حیم ڕه‌حمى هه‌كارى) ل سالا (1919) هاتییه نڤێسین، ل هۆلا كۆنفرانسان ل فه‌كۆلتیا زانست نمایشكرن.
شانووگه‌ریا ناڤهاتى ژ لایێ ده‌رهێنه‌رێن هێژا (ئومێد سه‌گڤان ـ به‌رۆژ هاشم) و ب سه‌رپه‌رشتییا دكتۆر (كاروان فه‌همى سامى) هاریكارێ سه‌رۆكێ زانكۆیێ و ب ئه‌كته‌ریا چوار قوتابیێن زانكۆیا زاخۆ هاته ئه‌نجامدان. هه‌ژییه بێژین، كو ئارمانجا سه‌ره‌كى ژ ئه‌ڤێ نمایشا شانوویى پاراستن و ب خودان ده‌ركه‌ڤتن ل كه‌لتور و فولكلورێ كوردى و گرنگیدان ب به‌هره و شیانێن قوتابیێن چالاك بوو.