ئامادەکرن و وەرگێران: بێوار حەجی

باب جوانترین چێکرییە کۆ خودێ ئافراندی، لێ بتنێ ل وی دەمێ ئەو ل شەمەندەفڕا مرنێ سویار دبیت و بەرەڤ چێکریێ خوە ڤە دچیت، ژ نوی بهایێ وی دهێتە زانین. و ئەو هەمی تشتێن دناڤ دەستێن خوە دا دکەتە قوربانی و پێشکێشێ دایک و هەڤژین و زارۆک و نەڤی و کەسوکارێن خوە دکەت. ئەو خوە گەنجاتی و ساخلەمییا خوە بێی بەرامبەر دکەتە قۆربانی زارۆک و هەڤژینا خوە. ئەو ب بێدەنگی خەمگین دبیت. ل شوینا گریانێ، میێن پرچا وی سپی دبن. ئەو نینۆکێن خوە بۆیاغ ناکەت دەمێ دلتەنگ دبیت. سەحکە نینۆکێن وی و شوین ددانێن وی لێ ببینە. ببینە کا ژ بەر دژواری و سەختییا ژیانێ یا چ ل نینۆکێن وی هاتی. پرچا وی یا درێژ نینە دا کۆ ل دەمێن بێکەسی و تنێیاتیێدا ب قۆسینیت و کۆرت بکەت. ئەو نەشێت دەمێ دلێ وی تەنگ دبیت، تلەفۆنێ بۆ هەڤالەکێ خوە بکەت و ب دلێ خوە بکەتە گری هەتا ئارام دبیت. ئەو بۆ ژبیرکرنا خەمێن خوە پەیاسا دکەت. ئەو بەردەوام کار دکەت.. ئارامییا خوە.. بێهنڤەدانا خوە.. هەتا ساخلەمیا خوە ژی دبەخشیت. هندەک جاران وەسا کار دکەت، هەتا دەستێن وی زڤر و شەق دبن. پاشی ب وان دەستێن زڤر و تژی ژ ماندیبوونێ، دزڤڕیتە ماڵ و هەڤژینا خوە هەمبێز دکەت. جاران تا دەمێن درەنگ کار دکەت و دمینیتە هشیار و کار دکەت؛ بێی کو خوە نە رازی بکەت یان ژی گازندا بکەت. ئەو بزاڤا دکەت ژیانا خێزانا خوە و پێشەڕۆژا زارۆکێن خوە ئاڤا بکەت، ئەگەر خوە باجا وێ چەندێ وێرانبوونا خوەشی و ئارامییا وی ژی بیت. ئەگەر پێدڤی کر ئەو دوو کاران یان ژی پتر کەت. و ئەوە یێ ئامادەیە شەڕی دگەل ژیانێ و هەمی بەربەستێن وێ بکەت و بەردەوام خەبات و تێکۆشانێ بکەت. ئەو خوە ل بەر گازندەیێن کەسوکارا دگریت و هەروەسا ل بەرامبەر پاشڤەبرنا ڕێڤەبەرێ خوە دکاریدا خوە ڕادگریت. د سەر ڤێ چەندێ هەمیێ ژی ڕا، هەمی لۆمە دکەڤنە د ستۆیێ ویدا و هەمی تشت د سەری وی دا دشکێن. ئەگەر دەرکەتە گەریانەکێ و سەقایێ خوە گوهاڕت، دێ بێژن کۆ ئەو قەت هەست ب بەرپرسایەتییێ ناکەت. و ئەگەر ما ل مال ژی؛ دێ بێژن ما ئەڤە چەند زەڵامەکێ تەمبەلە. ئەگەر زارۆکێن خو هۆشدارکرن و هندەک جارا ژبەر تڕسا وی ژ پێشەڕۆژا وان؛ ئەو پاشڤە برن، دێ بێژن ئەو کەسەکێ دڕندەیە. ئەگەر چاڤدێریا وان نەکر و پشت گوهڤە هاڤێتن، دێ بێژن ئەو زەڵامە یێ نەرمە و چ بەرپرسیاری ل دەڤ وی نینە. . ئەگەر نەهێلا هەڤژینا وی بچیتە کاری، دێ بێژن ئەو یێ ستەمکارە. ئەگەر دەرفەت دا یێ و هێلا کار بکەتن، دێ بێژن وووو ئەو ژ هەڤژینا خوە دتڕسیت. ئەگەر گوهێ خوە دا دایکا خو، دێ بێژن یێ بن دەستە. وئەگەر گوهێ خو دا هەڤژینا خو، دێ بێژن ئەو بن ئەمرە. لەوڕا ژی پتریا جاران ئەو د ناڤبەرا نال و بزماراندا دمینیت و سەرێن ڕێکا ل بەر بەرزە دبن. د سەر هندێ هەمیێ ژی ڕا؛ باب ئەو کەسە یێ کۆ هیڤی و لاڤەیان دکەت کۆ زارۆکێن وی د هەمی تشتادا ژ وی چێتر بن و ژ وی د بەختەوەرتر بن. باب ئەوە یێ کۆ ژ زارۆکێن خوە ڕازی دبیت و کەیفا خوە ب وان دئینیت، ل دەمەکی کۆ ئەو وی بێ هیڤی دکەن. ئەو بەرگرییێ ژ زارۆکێن خوە دکەت خوە ئەگەر ئەو پێ ل دلێ وی ژی بدانن. هندی تشتەکێ وی هەبیت دێ پێشکێشێ وان کەت، بێی کۆ ب مینیت ل هیڤییا تشتەکی ژ وان؛ خوە هەتا سوپاسییەکێ ژی. ئەگەر هات و زارۆکێن وی گوتێ بۆ مە ستێرەکێ ژ ئاسمانان بینە، بێی دوو دلی دا بۆ وان ئینیت ئەگەر شیابا. ئەگەر دایک نەھ هەیڤا زارۆکی د زکێ خوە دا هلبگریت، باب ژی زاروکێن خوە د مێشک و هزر و دلێن خوە دا هلدگریت هەتا دوماهیک ڕۆژ ژ ژیانا خوە. جیهان هەمی دێ یا ب سلامەت بیت، ئەگەر باب یێ بسلامەت بیت. هەمی تشت دێ د دروست و تمام بن، ئەگەر باب یێ ئامادە بیت. ڕێزێ ل هەمی زەڵام و بابا بگرن. هوین چ چارا نزانن کا وان چەند قوربانی داینە. هوین چ جارا نزانن کا کەنگی دێ بیتە دوماهیک جار هوین وی تێدا دبینن.

4 thoughts on “باب جوانترین چێکرییە کۆ خودێ ئافراندی

وەڵامێک بنووسە بۆ Diler Ahmed هەڵوەشاندنەوەی وەڵام

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *