جبران خەلیل جبران

وەرگێران: ئەنمار سەلاح.

چەند بەقەک ل دارستانێ دەرباز بوون، ژ نیشکەکێڤە دو ژ وان کەفتنە د چالەکا کووردا. بەقێن دى ل دۆرا چالێ کۆمبوون، دەمێ دیتى کا چال چەندا کوورە، گۆتنە بەقێن دى کو هەوە چو ڕێ نین ب زووترین دەم هوون دێ مرن.

   لێ وان گوهدارییا ڤان گۆتنا نەکرن و هەمى هێزا خوە ئێخستە کارى ژ بۆ کو ژ چالێ بهێنە دەر. لێ بەقێن دى بەردەوام بێ هیڤى دکرن و دگۆتنێ ئێدى پێکولان نەکەن، چونکى هوون نەشێن ژ چالێ یهێنە دەر و ب زووترین دەم هوون دێ مرن.

   ل داویێ ئێک ژ ئەوان بەقان خوە تەسلیمى گۆتنێن وان کر و دەست ژ پێکولان بەردا. ئەو ئێکسەر کەفتە د چالێدا و مر.

   لێ بەقا دى ب هەمى شیانێن خوە پێکولێن هاتنا دەر ژ چالێ دکرن. بەقێن دى هەوار دکر دەست ژ پێکولێن خوە بەردە، لێ وی ب هەمى شیانین خوە پێکولێن زێدەتر کرن هەتا کو ژ چالێ هاتییە دەر.

دەمێ ژ چالێ هاتییە دەر، ژێ پرسین: ما تە گوهـ ل ئاخفتنێن مە نەبوو؟!

وەسا دیار بوو کو یا کەڕە. یا راست ل وى دەمى وەسا زانى کو ئەو بەقێن دى یێ پێکولێ دکەن دا کو ژ وێ چالێ دەربکەڤیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *