وەرگێران ژ زمانێ ئنگلیزى: بەرۆژ هاشم

سەلاح سەعدوللا ١٥-٩-١٩٣٠ ل باژێرێ زاخۆ هاتیە دونیایێ، د زارۆکینیا خوە دا، حەزا ئەدەبیات و تێگەهشتنا چاندێن جیاواز ل نک پەیدابوویە، خوەندنا خوە یا ناڤەندى ل باژێرێ موسل ب دۆماهى ئینایە و بۆیە سەرنڤیسەرێ کوفارا (حەیات). ژ بلى کارێ ڕۆژنامەڤانى, کورتەک چیرۆکەک ب ناڤێ (تێکێتا شانسى) بەلاڤ کر و بوویە باشترین چیڕۆک د ناڤ قوتابیێن موسل دا و خەلات ب ڤێ چیڕۆکێ وەرگرتیە. هەر وەسان وەرگێران ژ زمانێ ئنگلیزى بۆ کوردى کریە و هەر وەسان بەرهەم ژ زمانێ ئنگلیزى بۆ عەرەبى ژى وەرگێراینە. دیسا ب زمانێ ئنگلیزى ژى بەرهەمەک ب ناڤێ (کوردستان هاتیە دابەشکرن, مللەتێ ڕۆژەهەلاتا ناڤین) چاپکریە و بەرهەمێن ب زمانێ عەرەبى ژى نڤێساندینە ژ وانا؛ تێبینى ل سەر زمانێ کوردى، پرسا کوردا ل عێراقێ، پرسا کوردا ل تورکیا، پرسا کوردا ل سوریا.

ژ گرنگترین کارێن وى ئامادەکرنا فەرهەنگا کوردى و ئنگلیزیە ب پیتێن لاتینى هاتیە بەلاڤکرن.

ئەو بەرهەمێن ژ زمانێ ئنگلیزى بۆ کوردى وەرگێراێن ئەڤەنە:

دبلۆماس، جێمس ئالدریج, ١٩٨٤, رۆمان.

بەفرا کلیمانجارو, هیمنگوەى، ٢٠٠٧, چیرۆک.

ئەوهاتن بۆ بەغدا، ئاگاسا کریستى، ٢٠٠٧، رۆمان.

کۆشتن د نهالێ داة ئاگاسا کریستى، رۆمان.

بەرهەمێن ژ زمانێ ئنگلیزى بۆ عەرەبى:

بەفرا کلیمانجارو, چیڕۆک.

ململانێیا سەرەکى، توماس خون.

بەرهەمێن ژ عەرەبى بۆ کوردى:

داستانا گلگامێش.

بەرهەمێن ژ زمانێ کوردى بۆ زمانێ ئنگلیزى:

داستانا مەم و زین.

نڤیسکار و وەرگێرێ کورد سەلاح سەعدوللا ١٨-١٠-٢٠٠٧ ل باژێرێ هەولێرێ وەغەر کریە و ل باژێرێ زاخۆ هاتیە ئاخسپاردە کرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *