وەرگێڕان: بەیار شەفیق

پتریا جارا مرۆڤ نە د بەرئاقلن و بتنێ چاڤێ وان یێ ل بەڕژەوەندیێن وان. لێ حەز ژ وان بکە، هەر چەوا بیت. ئەگەر تو قەنجیێ بکەی، خەلک دێ تە ب خوەپەرست تۆمەتبارکەن، لێ قەنجیێ بکە، هەر چەوا بیت. ئەگەر تو بسەرکەڤتی، دێ هندەک هەڤالێن سەختە و هندەک دوژمنێن ڕاستین ب دەست خوەڤە ئینی. لێ سەربکەڤە، هەر چەوا بیت. ئەو باشییا تو ئەڤرۆ دکەی، سوباهی دێ هێتە ژبیرکرن، لێ باشییێ بکە، هەر چەوا بیت. ئەگەر تو یێ ڕاست و دروستبی، خەلک دێ هاڤێژنە تە و ڕەخنێ ل تە گرن. لێ ڕاست و دروست بە، هەر چەوا بیت. مەزنترن زەڵام و ژن یێن کۆ مەزنترین هزر د هەلگرن، دبیت بهێنە ڕاوەستیان ژلایێ بچویکترین زەڵام و ژنانڤە یێن کۆ بچویکترین مێشک هەلدگرن. لێ بلا تە هزرێن مەزن هەبن، هەر چەوا بیت. خەلک حەژ مرۆڤێن بەلنگاز دکەن، لێ ب دویڤ مرۆڤێن دفنبلند دکەڤن. لێ تێکۆشینێ بکە پێخەمەت بەلنگازا، هەر چەوا بیت. ئەو تشتێ کۆ تو چەندین ساڵان مایە ب ئاڤاکرنا ویڤە، دبیت دناڤبەرا شەڤەک و ڕۆژەکاندا بهێتە وێرانکرن. لێ دەستا ژ ئاڤاکرنێ بەرنەدە، هەر چەوا بیت. ئەو کەسێن د بەرتەنگاڤترین ڕەوشدا، دبیت پشتی تو هاریکاریا وان دکەی هێرشێ بکەنە سەر تە. لێ هاریکاریا وان بکە، هەر چەوا بیت. خوە ئەگەر تو باشترین تشتێ خوە ژی پێشکێشی جیهانێ بکەی، هندەک دێ بۆ تە ب خڕابی زڤڕینن. لێ باشترین تشتێ خوە پێشکێشی جیهانێ بکە، هەر چەوا بیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *