ئامادەکرن و وەرگێران: سەربەست تەها سەلام

۱ – ئەگەر تو پرسیار بکەی، دبیت تو بۆ دەمەکێ کورت هەست ب شەرمێ بکەی. بەلێ ئەگەر تو پرسیار نەکەی، دێ بۆ هەتا هەتایێ مروڤەکێ شەرمین مینی.

۲-ئەوێ لدویڤ دوو کێڤریشکان بکەڤیت، دێ هەردوویان ژ دەستدەت.

۳ – تو نەشێی تێشکێ پلنگی بگری، هەتا تو نەچییە د کولکێ ویڤە.

٤- تو ببی سەرێ سەی، چێترە ژ هندێ تو ببیە کوریا شێری.

٥ – هندی ژیان هەبیت، دێ هیڤی و ئۆمێد ژی هەبن.

٦ – ئەو بەقا د گەرینوکا دا دژیت، چ ژ ژیانا دەریایێ نزانیت.

۷- پێشیا خوە ببینە، ژ بەری تو پێنگاڤێن خوە بهاڤێژی.

٨ – تو فێرنابی تشتەکی، هەتا تو وی تشتی پڕاکتیک نەکەی.

۹- چ ڕێکێن ساناهی و بێ زەحمەت نینن بۆ فێربوونێ.

۱۰- پیچەک ژ زانینێ تشتەکێ ترسناکە.

۱۱- دەم و دەلیڤە خوە ل هیڤیا کەسێ ناگرن.

۱۲ – تو نەشێی یاریێ دناڤ هەڕیێدا بکەی و تو پیس نەبی.

۱۳ – دارتاشێ نەشارەزا هەردەم گازندا ژ ئامیرێن خوە دکەت.

۱٤- پێدڤی ناکەت تو ماسی فێری مەلەڤانیان بکەی.

۱٥ – هەژار ئەوە یێ کو دەم نەبیت.

۱٦ – تۆرەبوون مفای ناگەهینیتە تە د هیچ تشتەکیدا.

۱۷ – گڕنژین باشترین دەرمانە.

۱٨ – ئەگەر دەستپێک یا جوان بیت، دێ دوماهیک ژی یا جوان بیت.

۱۹ْ – ڕۆما د ڕۆژەکێدا نەهاتییە ئاڤاکرن.

۲۰ – هەر تشتەکێ ب ساناهی بهێت، دێ ب ساناهی چیت.

۲۱ – شکەستن مروڤی فێری سەرکەڤتنێ دکەت.

۲۲ – گەلەک جارا مەیموینک ژی ژ دارا دکەڤن.

۲۳ – دبیت خەلەتییا کەسەکی ببیتە وانەیەک بۆ کەسەکێ دیتر.

۲٤ – ئەگەر تو حەفت جارا شکەستنێ بینی، دێ جارا هەشتێ سەرکەڤتنێ ئینی.

۲٥ – ئەگەر تو خەلەت بووی، خوە دوو دل نەکە بۆ چارەسەرکرنا خەلەتییا خوە.

۲٦ – ئەرکێ خوە ئەنجام بدە و ل هیڤیا سوپاسیێ نەمینە.

۲۷ – خەمساری مەزنترین دوژمنە.

۲٨ – دەرمانێ باش یێ تەحلە.

۲۹ – دەمێ تو دبێژی دێ سالا بهێت ڤی کاری ئەنجام دەم، شەیتان بتە دکەتە کەنی.

۳۰ – ئەگەر تو ژ تێهنادا مری، ئەو ئانکو تە درەنگ دەست هاڤێتبوو کۆلانا کانیکا ئاڤێ.

۳۱ – ئەڤرۆ، بایێ ئەڤرو دێ هێت.. سۆباهی، بایێ سۆباهی دێ هێت.

۳۲ – بنڤە و ل هیڤیا دەنگوباسێن خوەش بە.

۳٤ – گوتن یا ب ساناهی یە، لێ کارکرن یا بزەحمەتە.

۳٥ – گەلەک جارا تو ناڤا دارستانێ نابینی، ژ بەركو گەلەک دار لێ هەنە.

۳٦ – باوەریێ ب دیمەنێ سەرڤە یێ مروڤان نەئینە.

۳۷ – چاڤ خوەدیکا ڕوحێ نە.

۳٨ – تە تشتەک هەبیت، باشترە کو تە چ نەبیت.

۳۹- بلا تە کەرب ژ گونەهێ ڤەبن، لێ دگەل گۆنەهکاری یێ دلوڤان بە.

٤۰ – گل و گیایێن زیان بەخش، بخوە شوین دبن و مەزن دبن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *