جەگەر کەمال رێکانی

جەگەر کەمال رێکانی

قوتابی ل زانکۆیا زاخۆ ـ پشکا زمانێ تورکی

گۆمان تێدا نینە ژ بۆ دا ئەم بگەهینە ئارمانجێن خۆ و ب سەرکەڤین دڤێت هەردەم ئەم کاربکەین ژ بۆ سەرکەفتنێ ژبەر کو سەرکەفتن ب دەست تەڤە ناهێت و تویێ راوەستیای بی و خۆ ل هیڤیا سەرکەفتنێ بگری، پتریا جاران شکەستن توشی وان کەسان دبیت یێ چاڤەرێ ل سەرکەفتنێ و کار ژ بۆ وێ نەکەت، ئەڤجا هەردەم یێ بەردەوام و ب هیڤی و خۆدان ئیرادەبە ژبۆ بدەستڤەئینا ئارمانج و سەرکەفتنێن خۆ، و یێ رەشبین و بێ ئۆمێد نەبە کۆ چ دەما تە دکارەکێ دا سەرکەفتن ب دەستڤەنەئینا ڤێجا دەستان ژ هەمی ئارمانج و هیڤیێن خۆ داهێلی و بێ ئومێدبی . ل دوور سەرکەفتنێ ناپلیون بونابرت دبێژیت : (سەركەفتن بۆ وان كەسانە یێن پتر د خۆراگربن). لەورا ئەم ژی دێ بێژین ببە ژ وان کەسێن خوراگر و خودان ئیرادە و خو ژ بێ ئومێدیێ بدە پاش و هەردەم ژ کەسێن گەشبین بە دا کۆ بگەهیە ئارمانجا خۆ و ب سەرکەفی چۆنکی سەرکەفتن رامانا وێ ئەو نینە کۆ تۆ د هەمی کارێن خۆدا دڤێت سەرکەفتنێ بدەستڤەبینی بەلکۆ سەرکەفتن ئەوە کۆ تۆ بەردەوام هەڤرکیا شکەستنێن خۆ بکەی و یێ رژدبی ژبۆ دەستڤەئینانا ئارمانج و سەرکەفتنێ، چونکی هەر شکەستنەکێ سەرکەفتنەک یا بو هەی ئەگەر تۆ یێ بەردەوامبی ل سەر هەولدانا خۆ ژ بۆ دەستڤەئینانا وێ سەرکەفتنێ و ئەم شێین بێژین ژی شکەستن دەستپێک یان تاقیکرنەکە بۆ سەرکەفتنێ ئەگەر مفای و سەربوورا ژ شکەستێن خۆ وەربگری هەروەکی ناپلوین بونابرت د گۆتنەکا دی یا خۆ دا دبێژیت : ( من ب بنكەفتنێ سەركەفتن زانى ) لەورا گرنگ و فەره مفای ژ شکەستنێن خۆ وەربگرین، هەر وەسا گرۆڤە ژی بۆ ڤێ چەندێ ئەم بێژین ئێک ژ کەسێن کۆ هەردەم هەولددان تاکۆ بگەهیتە هیڤی و ئارمانجا خۆ کەسەکێ وەکی ( ئەدیسونێ ئەمریکی 1847_1931ز ): ئەم دێ کەینە نموونە کو هەتا شیای کارەبێ چێکەت چەند جاران د هەول و پێکولێن خۆدا یێ سەرکەفتی نەبو و بەردەوام شکەستن د پێکولێن خۆ دا دئینان لێ بێ ئۆمێد و رەشبین نەبوو و هەردەم هزرا هندێ دکر کۆ دێ جارەکێ ب سەرکەفیت و گەهیتە مەبەستا خۆ و هەتا ل دۆماهیکێ شیای د هەولێن خۆیێن بەردەوام دا سەرکەفتنێ ب دەستڤەبینیت و گەهیتە ئارمانجا خۆ و ببیتە داهێنەرێ کارەبێ کۆ نۆکە بۆیە جهێ سەربلندیێ بۆ هەمی جیهانێ و ناڤێ خۆ ل ناڤ بیردانکا دیرۆکێ دا تۆمارکر کۆ ئەڤە ئێک ژ وان کەسان بو کۆ بەردەوام هەڤرکیا شکەستنێن خۆ دکر هەتا داویێ ل سەر شکەستنێن خۆ زال بیت و ب سەرکەفیت) هەر وەسا دکتۆر ( ئیبراهیم فەقی 1950 ـ 2012ز ـ دلۆڤانیا خودێ لێ بیت ) د گۆتنەکا خۆدا ل دوور سەرکەفتنێ دبێژیت ( شکەستن تۆشی وان دبیتن ، یێن کۆ بەردەوام درویننە خارێ ، و چاڤەرێ بوونا سەرکەفتنێ دکەن !
ئەڤجا خاندەڤانێ هێژا بلا بێ ئۆمێدی و بێ زاری و بێ خەمی وەل تە نەکەت کۆ تو دەستان ژ ئارەزوویێن خۆ بهێلی، هەردەم یێ ب هیڤی و گەشبین بە، دا دژیانا خۆ دا یێ بەختەوەر و سەرفەراز و خۆدان ئارمانج و دەستکەفت بی.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *