د ناڤبەرا دیرۆک و فۆلکلۆرێ دا تێکلیەک پر نێزیک ھەیە. لێکۆلینا ل سەر بەرھەمێن فۆلکلۆرى گەلەک ئالیێن تارییێن دیرۆکێ رۆهندکن. بۆ نموونە چیرۆک یانژی سترانەک فۆلکلۆری دبت کو ببت نەینک ژ بۆ نیشاندانا ژیانا جڤاکێیا وى دەمى و ب ڤی ئاوایی کەرەستەیێن دیرۆکی بدت دیرۆکناسان. ھەر وەھا، گەلەک جاران بەرھەمەک دیرۆکی ژی دبت کو کەرەستەیێن فۆلکلۆرى بدت فۆلکلۆرناسان.
لێکۆلینێن دیرۆکێ چاڤکانیێن گەلەک بەرھەمێن فۆلکلۆری دەردخن ھۆلێ. کو کیژ بەرھەم جارا یەکەم ل کیڤە پەیدا بوویە و چاوا بەلاڤ بوویە. نەمازە د داستان و چیرۆکێن گەلێرییێن کوردی دا مرۆڤ دکارت ل پەی شۆپێن دیرۆکی بگەرت.
دەما کو ئەم ل تێکلیا د ناڤبەرا چاندا مرۆڤان دا تەماشە دکن، ئەم دبینن کو فۆلکلۆر و دیرۆک دگەھن ھەڤ. لەورا دیرۆک ژی مینا فۆلکلۆرێ ل سەر چاندا گەلان، گوھورینا ڤێ چاندێ ل گۆری مەرج و دەمان، تێکلیا ئینسانان ب ژیانا جڤاکی، ئۆلی، ئابۆری و چاندی دسەکنت.
Çandname