كۆڤارا ئه‌كادیمى به‌شێ زانستى یا زانكۆیا زاخۆ ژلایێ سازییه‌كا ناڤدارا جیهانێڤه‌ هاته‌ په‌سه‌ندكرن

ده‌سته‌یا نڤیسكاران ژ كۆڤارا ئه‌كادیمى به‌شێ زانستى یا زانكۆیا زاخۆ ب خۆشى و شادى مزگینییه‌كێ ڕادگه‌هینت، كو كۆڤارا ئه‌كادیمى به‌شێ زانستى ب ڤه‌كۆلینێن خۆ ڤه‌ هه‌ر ژ ده‌ستپێكا دامه‌زراندنێ ل سالا (2013) هه‌تا ڕۆژا ئه‌ڤرۆ ژلایێ سازیا (DOAJ (Directory of Open Access Journals) یا جیهانى هاته‌ په‌سه‌ندكرن و ته‌ڤایا ڤه‌كۆلینێن كۆڤارێ د مالپه‌رێ وان یێ تایبه‌تدا هاتنه‌ به‌لاڤه‌كرن. هه‌ژییه‌ بێژین، كو كارێ سازییا ناڤهاتى تایبه‌ته‌ ب دویڤچوون و هه‌لسه‌نگاندنا كۆڤار و ڕۆژنامه‌یێن جیهانى و بلندكرنا پله‌یێن زانستى یێن كۆڤاران ڤه‌.
گرنگه‌ بێژین، كو ئه‌ڤه‌ بۆ جارا ئێكێیه‌ كۆڤارا ئه‌كادیمى به‌شێ زانستى یا زانكۆیا زاخۆ ژلایێ ئه‌ڤێ سازیا ناڤدار یا جیهانێ ڤه‌ بهێته‌ په‌سه‌ندكرن و گرنگى ب كۆڤارا ئه‌كادیمییا زانكۆیێ بده‌ت، له‌وران ئه‌م ئه‌ڤێ چه‌ندێ وه‌ك ده‌ستكه‌ڤته‌ك گرنگ دبینن و دخوازین پله‌ و جهێن باشتر دناڤه‌ند و سازیێن ئه‌كادیمیدا بده‌ستخۆڤه‌بینن. لدووماهیێ فه‌ره‌ بهێته‌گۆتن، كو سازیا (DOAJ (Directory of Open Access Journals) ل سالا (2003) ل زانكۆیا (لۆند) ل وه‌لاتێ سوێدێ هاتییه‌ دامه‌زراندن و ناڤه‌ندێن زانستى و ئه‌كادیمى گرنگى و پویته‌یى ب هه‌لسه‌نگاندن و كوالێتیا كارێ وان دده‌ن و جهێ به‌رچاڤ د بوارێ ئه‌كادیمیدا هه‌یه‌.