م. ژیروان سعید حاجى بدرى ماموستا ل پشکا زمانێ کوردى-زانکۆیا زاخۆ

  زمان دیاردەیەکا جڤاکییە  و دناڤ جڤاکی دا ب زیندی دمینیت و رێکەکە بۆ پەیوەندی کرن و ئالۆگوکرنا ھزر و بیران، و بکارینانا زمانی دناڤ جڤاکی دا ژلایێ تاکێن وێ ڤە  ب چەندین شێویێن جیاواز دھێت  و ئەڤ شێوە د زمانڤانیا جڤاکی دا دبێژنێ ھەمەجۆریا زمانی، و  دناڤ ھندەک جڤاکاندا تاکێن دوو زمانی یان فرە زمانی ( ئەوە پتر ژ دوو زمانان بکاردینیت ) یان تاک زمانی ھەنە . لگەل ڤێ ژی جڤاکێن دوو زمانی ھەنە ، واتە دوو زمان دگشت کاروبارێن وەلاتیدا دھێنە بکارینان ، و مەبەست ژ دوو زمانیێ ئەوە : تاکێن وی جڤاکی دشێن دوو زمانان بکاربینن ، و لگەل دوو زمانان ببن د ئێک ژینگەھا زمانیدا و بمەرجەکێ رێژەکا زۆر ژ  ئاخڤتنکەرێن وی جڤاکی  دوو زمانی بن ، وەک دەڤەرا کویبک ل وەلاتێ کندا زمانێ ئینگلیزی و فرەنسی لێ دھێتە بکارینان  .

دوو زمانی ب دوو شێوان دھێت ، وەک :

١.ئەوە تاکێن جڤاکەکێ دیارکری دوو زمانان بکاربینن .

٢.ئەوە تاک دوو زمانی بیت واتە لسەر ئاستی کەسایەتی بشێت دوو زمانان ب شێوەکێ رێک و پێک بکاربینیت و زمانێ ئێکێ زمانێ دایکە بۆ وی و زمانێ دی دبیتە زمانێ دوویێ ،  وەک ( زمانێ کوردی ، زمانێ عەرەبی ) دزانن و  بەروڤاژی ژی دھێت ھەر کەسەک لگور  فێربوونا وی بۆ زمانان دزانیت چەند زمانییە . لێ مەرج نینە د جڤاکێن دوو زمانیدا ھەمی تاک دوو زمان بن لڤێرە دێ تاکی دوو زمان جیاواز بیت ژ جڤاکێ دوو زمان ، بۆ نموونە ل عیراقێ لگور دەستوورێ حکومەتا عیراقی, عیراق دوو زمانییە و دان ب زمانی عەرەبی و کوردی کریە کو د گشت کاروبارێن کارگیری و میری دا بھێنە بکارینان ، ئایا پرسیار لڤێرێ ئەوە رێژا دوو زمانیێ دێ چەوا بیت ل عیراقێ ؟  تاکێن عیراقێیێن نەتەوە  عەرەب  زمانێ کوردی  نزانن ژبلی کو رێژەکا تا رادەیەکی باش ژ  کوردان زمانێ عەرەبی دزانن و بکاردینن  وھەرێما  کوردستانێ دوو زمانییە ( عەرەبی لگەل کوردیێ ) بکاردینن  و بەروڤاژی نەتەوێ عەرەبی کو ھەر کوردی نزانن بکاربینن بتنێ ئەگەر ووشەیێن کێم و ب ئاسان بزانن ؟!

جۆرێن دوو زمانیێ :

١-قوتابخانا  سەرەتایییا دوو زمانی : ئەوە زاروکێ تاک زمان دچیتە قوتابخانا دوو زمانی و ھەر ژ ژیێ  شەش سالیێ دێ فێری  زمانێ دوویێ بیت ، لگەل وەرگرتنا ڤی زمانی دێ کلتورێ وی زمانی ژی وەگریت .

٢- دوو زمانیا ب یەکسانی : ئەوە دوو زمان ب یەکسانی د جڤاکی دا بھێنە بکارینان .

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *