ئامادەکرن: خەدەنگ

فرات جەوەری ل سالا ١٩٥٩ێ ل گوندێ بالفسێیێ ل سەر ب دێرکا چیایێ مازی نێزیکی مێردینێ ھاتیە دنیایێ . د سالێن ھەفتێیان دە دگەل مالباتا خوە ل نسێبینێ ب جیھ بوو، ل سالێن هەشتێان کۆچبەری سوێدێ بوو و ھەتا نھا ژی ل سوێدێ دژیت. وی بەری سالێن هەشتێان دەست ب نڤیسینا ب کوردی کر. وی دەھ سالان کۆڤارەک ب ناڤێ (نوودەم) دەردخست.  نێزیکی دەھ پەرتووکان نڤیسینە و دەھ–دۆنزدەھ پرتووک ژی وەرگێراینە سەر زمانێ کوردی. ھەر وسا پەرتووکێن وی ژی ژ بۆ زمانێن دی ھاتنە وەرگێران. کومەلەیا کورتەچیرۆکێن وى یا ب ناڤێ (کەڤۆکا سپی) ب فارسی ژی بەلاڤ بوویە.

هەر وەسان وى ئەنتۆلۆژیا چیرۆکێن کوردى ب سێ بەرگان چاپکریە و ژ هەر پێنچ پارچێن کوردستانێ چیرۆک و چیرۆکنڤیس د وێ ئەنتۆلۆژێ دا جهێ خوە دگرن.

فرات جەوەرى پتر وەک چیرۆکنڤیس و ڕۆماننڤیس دهێت ناسکرن و بابەتێن ڕۆمان و چیرۆکێن وى ژى ل سەر, زیندا, مژارێن دەروونى, دوورى وەلات, ئێشکەنجە و داگیرکاریێ.

وى ب ڕۆمانا (لەهى) و (ئەزێ یەکێ بکۆژم) ناسناما خوەیا ڕۆمانڤێسنێ پەسەند کر و خوەندەڤان باش ل دۆر خوە کۆم کر. هەر دو ڕۆمان تەمامکەرێن ئێکن و ل سەر رەوشا سیاسى و دەرونیا جڤاکێ کورد ل دیاسپۆرایێ و ل باکورێ کوردستانێ رادوەستت.

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *