ئامادەکرن: خەدەنگ

ئەلعیزر بن یەهودا د سالا ١٨٧٧ د دەما شەرێ ئوسمانى و رووسیان دا, دەما کو ئوسمانى تێک دچن و وەلاتێ بالکان دکەڤت بن سەروەریا رووسیان دا, پشتى ڤى شەرى ئەلعیزر بن یەهودا دکەڤت دەردێ بێ وەلاتى و بێ زمانیێ. نەچار دبت ژ وەلاتێ رووسیا دەربکەڤت و دچت ل پاریسێ نشتەجهـ دبت. ژ بۆ ساخکرنا زمانێ عبرى دکەڤت ناڤ رێکخستنا زمانى دا د گەل کەسێن یەهودى. لێ بەلێ یەهودى پشتگریا وى ناکن و فکرا وى یا مرۆڤەک دین قەلەم ددن. ئەلعیزر بن یەهودا دەست ژ هزرا خوە بەرنادت و ل سەر خەباتا خوە یا زمانى بەردەوام دبت و ل پاریسێ ب ژنەکێ را دزەجت.

    پشتى کو دزەوجت, د گەل هەڤژینا خوە بریارێ ددت بزڤرت وەلاتێ باب و کالا ل ئیسرائیلێ دەست ب ژیانەک نووى دکت. هزرا خوە یا ڤەژاندنا زمانێ عبرى بۆ هەڤژینا خوە ژى دبێژت و داخازا هاریکاریا وێ دکت. هەڤژینا وى داخازیا وى پەسەند دکت و ب هەڤرا کار و خەباتێن زمانى دکن و ل بەراهیی هەڤژینا خوە فێرى زمانێ عبرى دکت. پشتى دەمەکێ ب زارۆک دکەڤن, بن یەهودا ژ زمانێ عبرى پێڤە ب چ زمانێن دى د گەل وان نائاخڤت و ئەو ژى بەس فێرى زمانێ عبرى دبن. هەر وەسان بزافێ دکت کەسێن دەورۆبەرێ خوە ژى فێرى ڤی زمانى بکتن. پشتى هینگێ ئەلعیزر بن یەهودا دەست ب وەشانا ڕۆژنامەیەکێ دکت و ب وى زمانى بابەتان بەلاڤە دکت. ڕۆژ ب ڕۆژ خواندەڤانێن وێ ڕۆژنامێ بەرەڤ زێدەبوونێ ڤە دچن و پاشى قوتابخانەیەکێ ژى ڤەدکت و ب ڤى رەنگى زمانێ عبرى ژ مرنێ رزگار دکت و د هەمان دەم دا هزرا دەولەتەک سەربەخوە دکن. ژ بەر کو ب رێکا زمانى وان شیا جداخازیەکێ چێبکن و نها ژى ئەو زمان زندى مایە و بوویە زمانێ فەرمى یێ دەولەتێ.

چاڤکانى:

میرزا رۆنى, تەڤناچاند و زمان, وەشانێن ژ&ژ, ئامەد, ٢٠١٧.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *