د مه‌ها دوو یا ئه‌ڤ ساله دا ئێكه‌مین په‌رتووكا وه‌رگێرایى یا خانم (هودا سلێمان) هاریكارا ڤه‌كۆله‌رى ل پشكا زمانێ كوردى كه‌ڤته به‌رده‌ستێ خوانده‌ڤانێن هێژا، په‌رتووكا وه‌رگێرایى ڕۆمانه و ژ زمانێ عه‌ره‌بى هاتییه وه‌رگێران بۆ سه‌ر زمانێ كوردى. ڕۆمان لژێر ناڤونیشانێ (ئه‌ز به‌رى هه‌ر تشته‌كێ مه) ژ لایێ نڤیسكارا سعودى (جواهره رمال) ڤه هاتییه نڤێسین.
ب خوه‌شى و شادى خانم (هودا سلێمان) ب ده‌ستووریا نڤیسكارێ ب خۆ ڕۆمان وه‌رگێرایه سه‌ر زمانێ كوردى و ب ئه‌ڤێ چه‌ندێ نڤیسكارا سعودى به‌خته‌وه‌ریا خۆ دا دیاركرن كو به‌رهه‌مێ وێ بۆ سه‌ر زمانێ كوردى هاتییه وه‌رگێران. لدور ئه‌ڤێ چه‌ندێ سه‌رۆكایه‌تییا پشكا زمانێ كوردى و ڕاگریا فه‌كۆلتیا زانستێن مرۆڤایه‌تى ڕێز و سوپاسى ئاراسته‌یى هاریكارا ڤه‌كۆله‌رى (هودا سلێمان) كرن و خواستن لسه‌ر كارێن وه‌ها گرنگ به‌رده‌وام بیت و خزمه‌تا په‌رتووكخانه‌یا كوردى بكه‌ت.
ناڤه‌رۆكا په‌رتووكێ ب شێویه‌كێ گشتى باسێ باوه‌رى بخۆ بوون و كه‌سایه‌تییا مرۆڤان ب شێوه‌یه‌كێ گشتى دكه‌ت، هه‌روه‌سا ب تێر و ته‌سه‌لى باسێ خه‌ون و هێڤیێن تاكه‌كه‌سان د جڤاكیدا دكه‌ت و چاوانییا چاره‌سه‌ركرنا ئاریشه‌یان ژ بابه‌تێن گرنگ یێن په‌رتووكێ نه.
لدووماهیێ گرنگه بێژین، كو په‌رتووكا وه‌رگێرایى ب قه‌باره‌یه‌ك ناڤنجى و گونجایى ژ لایێ وه‌رگێرا هێژا و ب هه‌ڤكارى دگه‌ل په‌رتووكخانه‌یا نوورسین هاتییه چاپ و به‌لاڤه‌كرن.
