1- سالا 1556ێ، بیڤه‌له‌رزا شانشی، كۆ بوویه ئه‌گه‌رێ كۆشتنا 800 هزار كه‌سان.
2- سالا 1755 ل برتغال، كۆ بۆ ئه‌گه‌رێ بلندبوونا پێلێن ده‌ریایی.
3- سالا 1960 ل یابانێ، كۆ نزمی و بلندیا خه‌لیجێ ساجامی بۆ ئه‌گه‌رێ كۆشتنا 200 هزار كه‌سان.
4- سالا 1968 و 1970 ل بیرۆ، بۆ ئه‌گه‌رێ كۆشتنا 30 هزار + 35 هزار.
5- سالا 1970 و 1999 ل توركیا، بۆ ئه‌گه‌رێ كۆشتنا 50 هزار + 40 هزار كه‌سان.
ب گشتی، بیڤه‌له‌رز دهێته دابه‌شكرن وه‌كۆ پیڤانا ریخته‌ر لسه‌ر 12 ژماران كۆ من د وێنه‌یدا دیار كری یه و هه‌ر ئێك ب به‌رامبه‌ری خۆ دخۆینیت.
ل ده‌مێ په‌یدابوونا بیڤه‌له‌رزان دێ چ كه‌ی؟
هه‌گه‌ر ل ناڤ ئاڤاهیه‌كێ دا بوو:
1- باشتر ئه‌وه ئێكسه‌ر ب روونیه خوار لبن تشته‌كێ ره‌ق كۆ زوو نه‌شكێت، یان هه‌ر ل جهێ خۆ ب روونی و زه‌ندێن ده‌ستێن خۆ ب سه‌رێ خۆڤه بنی. ل كوژیه‌كێ ئاڤاهی یان ژوورێ ب روونیه خوار باشتره. ب هیچ شێوه‌یه‌كێ ب راوه‌ستایی نه‌مینه.
2- باشتره خۆ ل په‌نجه‌ران و هه‌ر تشته‌كێ شویشه و یان بزانی دێ زوو كه‌ڤیت و شكێتن دوور بكه‌ی.
3- هه‌كه هات و ل ئاپارتمانه‌كێ دابی، ب هیچ شێوه‌یه‌كێ ئاسانسوران بكار نه‌ئینی.
4- هه‌كه شیایی، زوو هێزا كاره‌بێ و ته‌باخێن غازێ ب ڤه‌مرینه، دا نه‌بیته ئه‌گه‌رێ روودانێن ئاگری.
5- هه‌كه هات و بیڤه‌له‌رز ل ده‌مێ نڤستنێ روودا، ل جهێ خۆ نه‌لڤه و هه‌تا ب دوماهیك دهێت.
6- ل ده‌مێ بیڤه‌له‌رزێ، ب هیچ شێوه‌یه‌كێ گه‌له‌ك هاتن و چوونێ نه‌كه و ب تایبه‌تی هه‌كه بزانی نه‌شێی د كێمتر ژ 5 چركه‌یاندا بگه‌هیه ده‌رڤه‌ی وی جهی.
7- پشتی بیڤه‌له‌رزێ، نابیت ب هیچ شێوه‌یه‌كێ جگاران بكێشی یان ئاگره‌كێ هه‌ل بكه‌ی.
هه‌گه‌ر ل ده‌رڤه بى:
1- هه‌ر ئێكسه‌ر ل جهێ خۆ راوه‌سته و بزاڤا هاتن و چوونێ نه‌كه و ب تایبه‌ت هه‌كه چ تشت ل ره‌خێن ته نه‌بن.
2- ل ره‌خێن ئاڤاهی و عامودێن بلند و هه‌ر تشته‌كێ بزانی دێ كه‌ڤیت دوور بكه‌ڤه. چونكۆ پتریا روودانان ب به‌ركه‌ڤتنا كه‌ره‌سته‌یان خه‌لك دبیته قوربانی.
هه‌گه‌ر ل ترۆمبێلێ دابی:
1- له‌زاتیا ترۆمبێلێ كێم بكه و لسه‌رخۆ راوه‌سته.
2- ل نێزیك یان لبن ئاڤاهی و هه‌ر تشته‌ك بلند وه‌كۆ عاموده‌یان نه راوه‌سته.
3- پشتی بیڤه‌له‌رز ژی د راوه‌ستیت، هه‌ول بده لسه‌ر خۆ ده‌ست ب هاژۆتنا ترۆمبێلێ بكه‌یه‌ڤه، چونكۆ نه مه‌رجه رێك شه‌ق ببن یان دار و به‌ر كه‌ڤتبنه د رێ دا.
هه‌گه‌ر لبن تشته‌كێ ڤه مابی:
1- ب هیچ ره‌نگه‌كێ نابیت ئاگری ئێكسه‌ر هه‌ل بكه‌ی.
2- هه‌ولا لابرنا به‌ر و ئاخ و هیچ تشته‌كێ نه‌ده، چونكۆ دبیت دوباره هریان روو بده‌ت.
3- هه‌ول بده سه‌ر و چاڤێن خۆ ب جلێن خۆ داپۆشی و ئه‌ڤه دبیته هاریكاره‌ك كۆ ته‌نگه‌نه‌فه‌سی بۆ ته چێ نه‌بیت.
4- گه‌له‌ك بزاڤان نه‌كه، هه‌تا بزانی كۆ خه‌لكه‌ك یێ ب ته‌وارا وه هاتی و ژنوو دشێی گازی بكه‌ی و بكه‌یه هه‌وار.
ب گشتی، دڤێت ب ئارامی سه‌ره‌ده‌ریێ بكه‌ی و نه‌بیه ئه‌گه‌ر بۆ خرابتركرنا ره‌وشێ و ب تایبه‌ت ل نك زارۆ و ژنان.
