مرۆڤ بوونەوەرک زانین خوازە و هەر ژ دەما های ژ دەوووبەرێ خۆ هەبوویى پرسا هەبوونا تشتا کریە و ل بەرسڤان گەرایە، ب مەرەما هندێ داکو خۆ د گەل دەورووبەرێ خۆ بگونجینت و ناس بکت. ل ڤێ دەرێ دیار دبیت کو مرۆڤ هەموو دەما ژ زانینێ حەز دکه‌ت و ڤیانا زانینێ ل نک وى خاسیەتەک سرۆشتیە. ژ بەر کو یەکەم بوونەوەرە هەتا نوکە د گەش و وەرارێ دایە، ئەڤە ژى تایبەتمەندیەک مرۆڤبوونێیە و ژ بوونەوەرێن دى دهێت جوداکرن. لێ بەلێ گەلەک جاران نەشێت ب هندەک تشتا بگەهیت یێن کو چاڤێن وى دبینت، گوهێن وى گوهلێ دبیت، ژ بەر هندێ پەنا بۆ هندەک ڕێکێن دى بریە داکو وێ حەزا خۆ یا زانینێ پڕ بکه‌ت. ئەڤە ژى ئەگەرەک خۆرتە کو فیلۆسوفى و زانست پەیدابوویە. هەرگاڤا ئەڤ حەز ل نک مرۆڤى بەرەف کزبوونێ و نەمانێ چوو، هینگێ نەزانین و جەهل دبت ئێشەک گران لدەف مرۆڤى، هەلبەت چارەسەرى ژى ب زەحمەت دکەڤت، ب تنێ مەعریفەت دشێت ببیت دەرمان بۆ وێ زام و برینێ.
 جڤاکا کورد ژى ژ بۆ کو ژ ڤێ ئێشا کۆژەک رزگار ببیت، پێدڤى ب زانین و ڕه‌وشنبیرییێیە و دڤێت ئامرازێن باش بۆ گەهاندنا ڤێ ڕه‌وشەنبیریێ هەبن و هێسانترین ئامراز ژى کو د ڤى سەردەمیدا ڕاگەهاندن و تورێن ئەنترنێتێنە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *